Usomlomo unqunyanyiselwe ukuxhaphaza
ABONGILE GINYA ABONGILE.GINYA@INL.CO.ZA
UMBUTHO olawulayo IANC empuma Koloni unqumamise ngokukhawulezileyo ubulungu BEANC bukahappy Ngqasa obengusomlomo womasipala umzimvubu, emva kwesenzo sokubetha inina labhontibhonti umzimba wonke.
Oku kwenzeke ngeyenkanga kunyaka ophelileyo kwabhaca.
OWEANC empuma
Koloni ugift Ngqondi uthi bengumbutho basikhalimela kabukhali esi senzo, nalapho athi lo kangqasa ubenesibindi emane ukuhlala kwiindibano ZEANC ezazi ukuba wenze izenzo ezothusayo nezikhalinyelwa umhla nezolo, izenzo ZEGBV.
IANC ithi lo mbutho "ayingomqolomba wezihange"
“Sihlab’ ikhwelo emapoliseni ekubeni aqhubeke nokuphanda oogxa babo esipoliseni abazame ukuchitha eli tyala njengoko kukho loo marhe. Siza kuyilandelela le ngxaki de ibe ingalo yomthetho idlala indima yayo.”
“Kufanele siqhwabele izandla uonele Tshunguzi ngokuthetha phandle nangona busebungozini ubomi bakhe. Ungomnye wamaqhawekazi alwa izenzo ZEGBV. Kufanele sikhuthaze namanye amanina afana noonele ekubeni athethe phandle, kwaye asebenzise amaqonga onxibelelwano ukufumana inkxaso kwanokulwiswa nokukhangeliswa iminyango efanelekileyo," utshilo ungqondi.
Ixhoba, utshunguzi, ubhale kwikhasi lakhe ngesilungu nalapho afake khona nemifanekiso yakhe enamanxeba okulunywa amabele nemilebe yomlomo.
Uthe: “Akunani ningasijaja xa sixhoma apha kufacebook izenzo ZEGBV, kungokuba asinamandla kwaye asincedakali. Ndalivula ityala esikhululweni samapolisa kwabhaca, ndafika ekhona nomenzi, wavuma emapoliseni ukuba undibethile kodwa akabanjwa, inokuba ke kungenxa yesikhundla sakhe kwaye uyaziwa, kungoko engazange abanjwe. Ndinamanxeba umzimba wonke, ndawabonisa amapolisa kodwa zange ndinikwe case number. Ngoku ndoyikela ubomi bam,” libhale oko ixhoba.
Ukanti nombutho ophikisayo WEEFF kula mmandla usikhalimele esi senzo.
Usihlalo WEEFF kawadi 23 emzimvubu ubongile Ngqasa, uthi nabo beyieff bayazigxeka kwaye bezikhalimela ezi zenzo zenziwe ngokangqasa.
Kulindeleke ukuba kubekwe usomlomo omtsha kulo Masipala, ongena kwizihlangu zikangqasa.