Ijeffreys Bay nekruisfontein ziyakhokela kwiec Super 14!
PEDRO MAPELO PEDRO.MAPELO@INL.CO.ZA
NANGONA bekuphinde kwakhona omnye umdlalo ohlehlisiweyo, kodwa amanye amaqela akwazile ukudlala imidlalo yawo.
Emva kweveki yesibini, ijeffreys Bay nekruisfontein United zikhokela amaqela adlala kwieastern Cape Rugby Super 14 emva kokuphumelela imidlalo emibini.
Njengokuba amaqela ohlulwe azizicuku ezibini, ijeffreys Bay ikhokela kugroup B emva kokubetha ivuthulule iyoung Leopards ngo23-6 emdlalweni wangempelaveki egqithileyo.
Kanti kwelinye icala, ugroup A ukhokelwa yikruisfontein ezibethele igardens ngo22-15 emdlalweni obunzima kakhulu. Iintshatsheli ezikhuselayo, iprogress, ziyivule kakuhle isizini ngokubetha incerha Leopards ngo20-14 emva kokuba ingadlalanga umdlalo wokuqala ohlehliswe ngomzuzu wokugqibela ngenxa yezizathu abangazichazanga abaququzeleli besuper 14 ekhule yanamaqela alishumi elinesithandathu emva kokuhlonyelwa kwamaqela amabini aphuma kwamanye amaphondo.
Kweminye imidlalo, ipark izingombele imoonlight ngo26-7, IEL Police izibethele iswallows ngo12-6 yaze yona Harlequins yabetha ikirkwood ngo18-12.
Imidlalo emibini, intlaza Lions negeorge Crusaders nomnye obuza kuba phakathi kweold Selbornians ne-east Rand United ihlehlisiwe. Omabini amaqela amatsha (George ne-east Rand) akakadlali kule sizini ineeveki ezimbini iqalile. Kwakhona ngempelaveki, amaqela ombhoxo aza kuswantsulisana kwiindawo ngeendawo kwiphondo lempuma Koloni ngelizama ukuqokelela amanqaku isizini isentsha.
Igeorge Crusaders iza kudibana neharlequins emdlalweni oseparkdene.
Yona ikirkwood iza kufuna ukukhuphela isixhiba kwintlaza Lions emdlalweni osebergsig Sporting
Ground. Iya emdlalweni izithembile intlaza ngoba ibuwuphumelele kakuhle umdlalo wokuqala.
Educats Field kuzawube kuphaxulana ooxam xa kudibana iyoung Leopards neswallows azibethiweyo emidlalweni egqithileyo. East London Police iza kungquzulana nejeffreys Bay emdlalweni oza kube usepolice Park Cricket Stadium.
Ieast Rand United yamkela ipark, iselbornians idibana negardens, incerha yamkela ikruisfontein ize iprogress idibane nemoonlight.
Yonke imidlalo iqala ngecala emva kwentsimbi yesithathu emalanga ngomgqibelo. Akukacaci nokuba amaqela amatsha (ieast Rand United negeorge Crusaders) ayakude akwazi na ukudlala imidlalo yawo ngempelaveki.