Amavarara akulungele ukulwa nets Galaxy
AMAQELA akwinqanaba eliphezulu nakwelisezantsi ayadibana kule veki emidlalweni yenedbank Cup.
Olu khuphiswano lithandwa kakhulu ngoba linika amaqela adlala kwimotsepe League nakwimotsepe Foundation Championship ithuba elihle lokuziva amandla kumaxhwangusha adlala kwidstv Premiership.
Abalandeli bebhola ekhatywayo kwiphondo lempuma Koloni baza kujonga iqela labo Amavarara xa lidibana nets Galaxy emdlalweni wenedbank Cup oza kube usembombela Stadium ngentsimbi yesithathu emalanga ngecawe.
Amavarara ziidyongo ngoba adlala kwinqanaba elisezantsi
kodwa athi aza kulwa kube mdaka iisali.
Nakubeni ITS Galaxy yayikhe yatshatshela kwinedbank Cup, lo ngomnye unyaka, kufuneka izimisele ukuba ifuna ukuya kwisigaba esilandelayo.
Uayaduma Penxe ubethe ngenqindi phantsi ngelithi baza kuzilwela kwits Galaxy edlalela ekhaya.
“Amalungiselelo wethu asahamba kakuhle,” utshilo upenxe kweli phephandaba.
Njengokuba iqela lasempumalanga lidikidiki emidlalweni yedstv Premiership ngokuqinisekileyo liza kufuna ukubuyisa isidima salo ngokubetha Amavarara.
“Akasoze agqibelele ke ngoba siya emdlalweni omkhulu.
Kukhona ukoyika emakhwenkweni pha naphaya kodwa ke yinto eqhelekileyo leyo.
Umdlalo ngowendebe yenedbank, asiyazi into esilindeleyo phaya,” utshilo upenxe.
Amaqela adlalela ukuya phambili kwinedbank Cup ngoba inamaqithiqithi amahle kakhulu.
“Ukudlala kolu khuphiswano kwiminyaka egqithileyo kuyasinceda ngoba siyakwazi ukubethwa emidlalweni onjengalo siya kuwo ngempelaveki. Siyayazi indlela edlala ngayo ITS Galaxy ukuba ingaphezulu kunale siyiqhelileyo thina kwiabc Motsepe
League. Sinabantu abatsha abasincedisayo abanamava kwinqanaba eliphezulu.
Asoyiki. Kutheni le nto siza koyika abantu? Into ebalulekileyo yeza kwenziwa ebaleni kula mizuzu engamashumi alithoba ebaleni.
Asiyoyiki ITS Galaxy kodwa siyayazi yona ukuba iyingozi,” uvale ngaloo mazwi umphathi wamavarara phambi kokunduluka kweqela lakhe kule veki.
Imidlalo yenedbank Cup: Lwesihlanu: Cape Town Spurs vs Baroka; Maritzburg United vs Kaizer Chiefs
Mgqibelo: Golden Arrows vs Pretoria Callies; Stellenbosch vs Swallows; Black Cross vs Venda FC; Mpheni Home Defenders vs Clarewood; All Stars vs Orlando Pirates
Ngecawe: TS Galaxy vs Amavarara, Amazulu vs Tornado; Mkhambathi vs Casric Stars; Cape Town City vs Royal Am
Lwesibini: Polokwane City vs Chippa United