Uvunjululwe kwindlu yesithandwa sakhe ulitye
Inkonzo yesipolisa yomzantsi Afrika kwaneqela iserious and Violent Crimes Unit (SVC) ebityi ibambe umbulali obebalekile emveni kokudubula abantu abasixhenxe kwilali yasethantseka. Amadoda amane kunye nabasetyhini abathathu baphakathi kwabantu abasixhenxe abadutyulwe babulawa ngompu ngabantu abangaziwayo.
Isithethi samapolisa ephondweni ubrigadier Tembinkosi Kinana, uthi ngolwesihlanu umhla weshumi kwinyanga yokwindla, iqela labacuphi lifumene ulwazi olukhokelele kwiphondo lasegauteng, ingakumbi eorlando East esoweto. Umrhanelwa kukholelwa ukuba ebezimele kule ndawo.
“Emva koko, iqela elihlangeneyo eliquka igauteng Serious and Violent Crimes, libambe umrhanelwa oneminyaka engamashumi amathathu anesine (34) ubudala usanele Tshisilanga nodume ngelikalitye, ezifihle kwiflethi yesinqandamathe sakhe esoweto. Umpu ekukholeleka ukuba wawusetyenziswa ngoku bekudutyulwa aba abantu, nawo ufunyenwe ngethuba kuqhutywa uphando,” utshilo ukinana.
Umkomishinala wephondo kunye nabaphathi BESAPS badlulise umbulelo wabo kwiqela leenkalo zonke, eliquka iqela lezobuntlola kulwaphulo-mthetho neqela labacuphi, ngomsebenzi wabo wokuhlalutya ngononophelo ulwazi ngalunye abalufumeneyo ukunceda ukubamba abarhanelwa.
“Ukubamba kwethu umrhanelwa makube sisifundo nesilumkiso sokuba nabani na obulala abantu akugqiba acinge amapolisa awasoze amfumane uyazikhohlisa. Xa silandela ezithendeni zakho sikufumana nangaphaya kwemida yephondo lethu uzokuphendula ngezenzo zakho.
“Siza kuthi rhoqo ke sibalanda bonke ababulali kula Bityi nakwezinye iindawo kweli phondo lasempuma Koloni njengokuba senzile ukumvumbulula esoweto umrhanelwa,” utshilo umene.