Ubavuma ukhokela emdlalweni osemonti
Unyaka usaqala, abantu bommandla wasebuffalo City bafumana inyhweba enqabileyo yokufumana umdlalo weqakamba okwinqana lehlabathi.
Ngomso ziza kube ziduma ngamandla ebuffalo Park, emonti, xa kudibana umzantsi Afrika newest
Indies emdlalweni wokuqala kwemithathu yovavanyo.
Umzantsi Afrika ugaleleke kwiphondo lasempuma
Koloni umsila uphezulu emva kokubetha iwest Indies ngo21 emidlalweni yovavanyo emithathu ebibanjelwe ewanderous Stadium, egoli, kwiveki ephelileyo. Kuloo midlalo, iproteas iwezwe ngutemba Bavuma owenze ikhulu elinamashumi asixhenxe komnye umdlalo, into awayigqibela kudala kakhulu phambi kokwenziwa inkokeli yeqela lesizwe.
Okubi ngoku kukuba umzantsi Afrika ufike emonti uqhwalela ngenxa yokonzakala kwabadlali.
Phakathi kwabo badlali abonzakeleyo kukho iziqwayi zabadlali abafana nokeshav
Maharaj nowiaan Mulder. Yingxaki le umqeqeshi omtsha, urob Walter, ekufuneka athubeleze phakathi kuyo njengokuba eza kulwela ukuphumelela umdlalo wakhe wokuqala.
Umaharaj ngeke akwazi ukudlala kwakhona isithuba esikwiinyanga ezintandathu.
“Wonke umntu umnqwenelela impilo entle ukesh. Ukuphulukana nomdlali ofana naye isizini isaqala yinto embi kakhulu kuthi. Kodwa ke okusixolisayo kukuba ebengazukudlala kwinyanga katshazimpuzi.
Siza kumbhengeza umdlali oza kungena endaweni yakhe,” utshilo uwalter ethetha neentatheli kutsha nje.
Indawo kamaharaj iye yathathwa ngutabraiz Shamsi olinxele. Endaweni kamulder odlalela ilions kufakwe uwayne Parnell odlalela iwestern Province.
Iqela liza kukhokelwa ngubavuma okhuthazekileyo emva kokwenza umsebenzi omhle egoli.
Abadlali ekuza kujongwa kubo kakhulu emdlalweni wanamhlanje baquka usisanda Magala, ulungi Ngidi naye uandile Phehlukwayo.