Ibuya inochatha iabsa Run Your City eqala egqeberha!
Asifikanga sigalelekile isiqendu esitsha seabsa Run Your City! Iimbaleki eziphuma kwiidolophu zempuma
Koloni nangaphaya kwemida yayo, ziza kuvana amandla kukhuphiswano olujongwe ngamehlo abomvu kwiveki ezayo umhla wesibini kutshazimpuzi.
Abaququzeleli bayo iabsa Run Your City bathi kulo nyaka umdyarho wabo weembaleki uza kuba segqeberha, ekapa, ethekwini, epitoli nasegoli.
Ngaphambili, iabsa Run Your City ibikwiidolophu ezintathu, ngoku iya kwezintlanu. Abaququzeleli bamema zonke iimbaleki ezinomdla, abantu abahambayo nabanenjongo yokulungisa imizimba nempilo yabo ukuba bathathe inxaxheba kwisiqendu sokuqala esiza kube sisegqeberha kwiveki ezayo ngecawe nesiza kube singumgama olishumi leekhilomitha (10km).
Noxa ingengomgama mde kodwa ngumdyarho obalulekileyo ngoba uza kunceda iimbaleki ezifana nomelikhaya Frans olungiselela ukuthatha inxaxhebi emdyarhweni omkhulu ofana neboston Marathon, emelika.
Phakathi kwezinye iimbaleki ezaziwayo eziza kuthatha inxaxheba emdyarhweni osegqeberha ngamadoda afana noprecious Mashele nostephen
Mokoka.
Umseki weabsa Run
Your City okwangumlawuli westillwater Sports, umichael Meyer, uvakalise uvuyo olukhulu ngoba itumente yakhe iza kunika ithuba lokuziveza iimbaleki ezininzi kunangaphambili.
“Kuyasonwabisa kakhulu ukukhula kweabsa Run Your City. Ukuya kwayo kwiidolophu ezintlanu kuza kunika ithuba elihle lokuziqaqambisa ezinye iimbaleki kwitumente esemgangathweni ophezulu,” utshilo umeyer kutshanje.
“Njengokuba siqala egqeberha, sibulela ieastern Province Athletics (EPA) ngokusamkela ngobubele.
Sifuna ukuqinisekisa ukuba umelikhaya Frans uza kube ebaleka ngomhla wesibini kwinyanga ezayo. Emva kwegqeberha, sinethemba lokwenza umsebenzi omhle nasegoli,” utshilo umeyer.
Iimbaleki ezibambe iindawo zokuqala ziza kufumana amashumi amathathu amawaka eerandi (R30 000), endaweni yesibini ziza kufumana amashumi amabini anesihlanu amawaka eerandi (R25 000) kweyesithathu ziza kufumana amashumi amabini amawaka eerandi (R20 000). Umphathi kaabsa kwiphondo lempuma Koloni, upholushi Malesa, uthe ngabaxhasi bomdyarho ukuzisondeza ebantwini bokuhlala.