Iimvumi zempuma Koloni zigoduke namawonga
IMETRO FM Music Awards 2023 ibibanjwe ngomgqibelo umhla wesithandathu kucanzibe, kwibala lezemidlalo imbombela embombela, empumalanga, kwaye ibisingathwe ngulerato Kganyago nokatlego Maboe. Amawonga alo nyaka aphawule uhlelo lwawo lweshumi elinesixhenxe.
Imvumi yegospel ubetusile Mcinga, imvumi yeafro-soul uzuko SA, IDJ yesoulful house ucoco SA, kunye nedj yamapiano udeep London ibiziimvumi zasempuma Koloni ezigoduke namawonga.
Ukuphumelela kwezi mvumi kunye nogqirha Nduduzo
Makhathini kumawonga emetro FM ka2023 kunconyiwe empuma Koloni ngumphathiswa wesebe lezemidlalo, ulonwabo, ubugcisa nenkcubeko unonceba Kontsiwe.
Le mvumi yejazz yodumo lwamazwe ngamazwe umakhathini nayo ifumene ukunconywa nangona iphuma emgungundlovu Kwazulu-natal. Ukwasebenza njengomhlohli kwanentloko yesebe lomculo kwiyunivesithi yasefort Hare ezinze empuma Koloni.
Ngelixa udeep London egoduke newonga lebest Amapiano Song kunye nebest Viral Challenge ngengoma yakhe ethi Hamba Wena, umcinga ufumene iwonga lengoma yonyaka (Song of the Year) ngengoma yakhe ethi Ngena Noah.
Imbasa yebest Afro-soul Pop iye yanikwa uzuko SA ngengoma yakhe ethi Andikalibali, waza ucoco SA waphumelela iwonga lenew Artist ngengoma yakhe ethi I Never Thought. Umakhathini, imvumi yomculo wejazz, uwongwe ngecwecwe lakhe elithi In the Spirits of Ntu, nelithe wafumana iwonga lelona cwecwe libalaseleyo lomculo wejazz (Best Jazz album).
“Sivuyisana nabo bonke abaphumeleleyo kwiimbasa zemetro FM zeshumi elinesixhenxe. Ukuphumelela linyathelo elibalulekileyo kwimisebenzi yabo. Njengephondo siyazingca ngani nangegalelo lenu kwishishini loyilo,” utshilo ukontsiwe.