Umalusi ufuna shushu ichamps Marathon
KWIIVEKI ezidlulileyo, uyanga Malusi, uphinde washiya inyambalala yeembaleki kwibuffalo City Marathon.
Le ndedeba yakugatyane ishiye iimbaleki zizizigede emva kwayo kumgama ongamashumi amabini ananye eekhilomitha.
Abantu abamaziyo nabamlandelayo, abothuswanga ngumsebenzi owenziwe ngumalusi ngoba yimbaleki ezimiseleyo kakhulu.
Ukuphumelela kwibuffalo City Marathon yinto enkulu ngoba iyamkhuthaza kodwa ibingeyiyo into ebalulekileyo kuye.
Uye wazijula kuyo ngoba abaphathi becandelo leembaleki bathe ukuze akwazi ukuya kwisa Champs kubalulekile ukubaleka kwibuffalo City Marathon.
“Ukuphumelela kundichulumancisile noxa ukubaleka ibuffalo City
Half Marathon ibingasinto ibikwizicwangciso zam,” utshilo umalusi encokola neli phephandaba.
“Ingqondo yam ndiyibeke kwisa Champs esekuqaleni kwinyanga ezayo. Kodwa kuye kwanyanzeleka apha kwibuffalo
City Marathon ngoba kuthiwe ukuze ndibe kwiqela eliya kwisa Champs eziza kube zisegqeberha, kufuneka ndiqale kuyo. Kumnandi ukuphumelela ngoba uthi ukuze uzibone ukuba uyakhula uphumelele ugqatso olufana nolu ndisuka kulo,” utshilo umalusi othethe neli phephandaba esendleni eya ekapa kwiphondo lasentshona Koloni.
Kwiminyaka embalwa edlulileyo, umalusi ebegqugqisa emidyarhweni emincinane kwiindawo ezifana negcuwa kodwa ngoku ubaleka nooxholovane basemzantsi Afrika.
“Iyabonakala inkqubela ngoba ngoku ndithatha inxaxheba emidyarhweni emikhulu. Andiyiyo imbaleki efana nezinye, ngoku ndiyamenywa xa abaququzeleli bomdyarho bendifuna. Ekapa ndimenyiwe ngoba ndingomnye weembaleki ezibaleka ngesantya esiphezulu apha emzantsi Afrika. Bendikhe ndabaleka kakuhle kwitumente yeembaleki ebisekapa kutshanje,” utshilo umalusi oqhube kakuhle kakhulu emidyarhweni yeembaleki ebezisingathwe kwiindawo ezahlukeneyo kweli lizwe.
ABADLALI beqela lesizwe lombhoxo baza kudibana enkampini ukusukela kule veki ngelilungiselela iitumente ezimbini ezibalulekileyo kulo nyaka.
Njengeentshatsheli zehlabathi, kubalulekile ukuzilungiselela kakuhle kweqela likajacques Nienaber ngoba amehlo aza kube ethe ntsho kubo.
Umsebenzi wetumente yehlabathi uza kuqala xa Amabhokobhoko ethatha inxaxheba kwicastle Lager Rugby Championship edlalwa ngamazwe aquka umzantsi Afrika, iaustralia, iargentina nenew Zealand.
Amabhokobhoko aza kuhlala enkampini iiveki ezimbini zonke ethekwini kwiphondo lakwazulu-natal.
Lishumi elinesihlanu lonke labadlali elibiziweyo ngumqeqeshi. Kwelo nani elibiziweyo, abekho abadlali BEDHL Stormers ngoba basenomdlalo wevodacom United Rugby Championship abawulungiselelayo.
Umdlalo wespringbok wokuqala kwirugby Championship ejongwe ngamehlo abomvu siza kudibana neaustralisa ngomhla wesibhozo kwinyanga yekhala emalanga eloftus Versfeld Stadium.
“Njengokuba kusondela imidlalo yerugby Championship, sibone kufanelekile ukuba masidibanise abadlali enkampini ukuze siqinisekise ukuba bonke abadlali bakulungele ukudlala,” utshilo unienaber oza kubeka phantsi njengomqeqeshi wespringboks emva kwetumente yehlabathi.
“Enkampini sifuna ukuqubisana nezinto zonke ezibalulekileyo phambi kwemidlalo yerugby Championship ekwinyanga yekhala.
“Oku sikwenzayo yinxalenye yenkampu ebesikhe sakuyo ekapa nasestellenbosch ekuqaleni konyaka, kodwa yona ebigxile kakhulu kubadlali abadlala apha ekhaya. Imidlalo yerugby Championship iyasondela futhi yimidlalo emithathu kuphela esiza kuyidlala phambi kokuya kwitumente yehlabathi. Kufuneka sisebenze ngokuzimisela ukuze sikwazi ukukhusela isicoco sethu efrance. Yonke into enokusinceda sakhe iqela eliluqilima siza kuyenza,” utshilo unienaber.
Amadoda onzakeleyo afana nosiya Kolisi noeben Etzebeth aza kuya nawo enkampini. Noxa bekukho ixhala lokungabikho kukakolisi kwitumente yehlabathi kodwa ingathi ikhona intlantsi yethemba emva kotyando alwenze kutshanje.