Izimbali ZeMfolozi
Zivunule ziyacons’ ezaseMfolozi, Zikhihlik’ ingwebu yolwazi , Sengathi yizihlabathi zolwandle; Sezisine kwavuk’ amakhos’ akwaZulu Egqumeni laseziNdumeni eBabanango. Zimbali zeMfolozi, vumani! Sesohlab’ amaguqa njengesizwe Situs’ uMphephethe ngesineke sakhe Sokuphakel’ amahlumel’ esizwe ngokungadinwa. NgeMfolozi kuzovuk’ imizi yamadoda, NgeMfolozi kuzokwakhek’ abaholi bakusasa, NgeMfolozi sizozalelwa osozimbon’ abanekhono elinzulu.
Zimbali zeMfolozi, qhakazani njalo!
BONGANI MAVUSO Siyatanasa ngawe Madiba, Amalungelo ngawethu Madiba, Sikhomba ngophakathi Madiba, Izwe liyasivumela Madiba. Umemeze amazw' omhlaba asabela. I-Ladysmith Black Mambazo icule ngelungelo lakho, UHugh Masekela wafutha icilongo kwezwakala, UMbongeni Ngema wakhumbula isitimela saseZola Kwabuya izwe lethu, Madiba.
Unwel' olude Madiba! UNkulunkulu Unwel' olude Madiba! Iphumil' inqina nemicibisholo ihlohliwe, Ngiyakudabukela ngculazi yansondo. Lukhulu luyeza luyanyelela, Nab' ubugebengu businetha njengemvula, Budla fumuka budle silaza. Buph' ubuntu ebantwini? Madiba! Madiba! Siph' isihlangu owasibhula sakhululeka? Liph' iklwa owaliphonsa emazweni omhlaba Sathol' imvume yokusingatha indebe yomhlaba yango-2010? Madiba! Madiba! Sizalelwe umholi, saphiwa iqhawe lamaqhawe.
SIBONGA MAPHUMULO