UMDLALI OMUSHA WE-WITS UDIDEKILE NGEMOTO ENTSHA
USADIDEKILE umdlali omusha weBidvest Wits ngonyanyavu lwemoto afuna ukulithenga.
UPotshoza uhabule izindaba zokuthi uDaylon Classen obegijima eGermany akakazi ukuthi kumele athenge yiphi imoto njengoba esebuyile eNingizimu Afrika ezoyibamba kwi-Absa Premiership.
Lo mdlali usayine inkontileka yeminyaka emithathu neWits.
“UDaylon akazi noma kumele athenge iBMW noma alande iGolf 7 yini. Inkinga yakhe unovalo ngotsotsi baseGoli. Manje ufuna ukuthenga imoto engeke imhelele otsotsi. Okwamanje akakasithathi isinqumo,” kusho umthombo ongaphakathi kuWits.
UClassen ulandelwe ukuzovala isikhala sikaMogakolodi Ngele oshiye leli qembu wabuyela eqenjini lakhe iMamelodi Sundowns. Kowokuqala ezikaStuart Baxter zizidlele amahlanga zinqoba ngo 2-0 wamagoli kaRyan Moon noGift Motupa. Ngokuthola kukaPotshoza iBafana ayizange ibulawe isizungu kwazise bebezidlalela amaphepha abanye bezulazula. Kukhona ngisho abazitholele umdlalo neqembu lasendaweni. Lo mdlalo bekungowokuqhuba isikhathi futhi udlalwe ilaba abangazange balithole ithuba kowomlenze wokuqala.
Ngemuva kosuku esikhumulweni sezindiza, ibhanoyi leBafana ligcine likhandekile bafika kuleli ngoMsombuluko maqede bangena ebhasini sebebheke eMoruleng.
Kuzona zeBafana sekubizwe uMichel Morton ukuthi azovala isikhala sikazwabo kwiSuperSport United, uTeboho Mokoena njengoba iqembu selimfuna ekhempini yalo.