Kumi ngomumo ngezinhlelo zowemfashini
KUMI ngomumo ngezinhlelo zombukiso omkhulukazi wemfashini eThekwini iDurban Fashion Fair eqale izolo ntambama eNkosi Albert Luthuli International Convention Centre (ICC).
UNksz Sindi Shangase ophethe izinhlelo zemfashini kuMasipala weTheku uthe sebelinde ukuqala imibukiso yemfashini ngoba konke kumi ngohlelo.
Uthe umbukiso weDurban Fashion Fair uzothatha izinsuku ezine kanti uhlanganisa abasiki bengqephu abaziwayo nalabo abasafufusa.
Izolo iqalile imibukiso eyehlukene ebiyenziwa ngabasiki bengqephu abaqhamuka kuleli nasemazweni angaphandle.
Namuhla, kuzokhangisa o-Kwenzi Nkomo (Indoni Fashion House), Treasure Cindi,Melinda Corrine (Noice),Muzi Innocent Mlambo (Mita-N Dzyns), Zama Gumede (ZAVIAR Fashions) no-Eli Ball (Eli Ball)
Abasiki abamenyiwe ngoLwesine ngoQuiteria Lebohang Kekana noGeorge Malelu belebuli iQuiteria and George, Amanda Laird Cherry,Charity Nyirongo (Mo’ Creations & Couture), Rodrigue Tchatcho (Rodrig Couture) noSamuel Owusu (Quame Owusu).
NgoLwesihlanu, kuzokhangisa oSandile Mlambo (House of Alfalfa) kudingidwe izindaba zemfashini esithangamini esinoLinda Makhanya (Linda Makhanya Tailored Suits), Paledi Segapo (PALSE), No l Paulson (EDCON), Lukas Nangolo (Markham), Masana Chikeka (woMnyango wezobuCiko namaSiko) nomhleli wemfashini kwiphephabhuku iDrum uPetaLee Matjaola.
Kuzophinde kukhangise oKireshen Chetty, Brenda Quin (Diva Designs),Mxolisi Luke Mkhize (House of Saint Luke), Karen Monk-Klijnstra, Zama Mathe (Zarth), Paledi Segapo (PALSE), Kathrin Kidger noTerrence Bray.
NgoMgqibelo kuzoba nomcimbi wokuklomelisa abasebenza ngokuzikhandla kulo mkhakha obizwa nge-DFF Recognition Awards, umphathi wohlelo kuzoba ngumsakazi weGagasi 99.5 FM uCollen Zondo, kuzonandisa u-Aewon Wolf, DJ Siyanda nabanye.
Amathikithi okuhambela iDFF abiza u-R100 kuthi awabafundi abe ngu-R50 umbukiso ngamunye kanti elemibukiso yosuku olulodwa abiza u-R225 kuthi awezinsuku ezinhlanu abe ngu-R350.
Awokubukela amaDFF Recognition Awards abiza u-R250 atholakala ezitolo zakwaPick n Pay nasewebtickets.co.za.