Uyashada owayengunkosikazi wesilomo somsakazi
‘KUNGANQANDWA UKUZIBULALA KWAMAPHOYISA’
Cabella Mascherano: Ngicabanga ukuth yisu elihle ukuthI amaphoyisa izibhamu azishiye emsebenzini uma eseya emakhaya.
Vusumuzi Handry: Akukho lula ngoba basuke sebe saba ukuboshwa, yingakho nje bezibulala. Amagwala kabi laba. Kufanele bayekiswe ukujola bodwa emsebenzini
Mzoh-zn Zwane: Amaphoyisa awangajolani emsebenzini, ikona okungaqeda ukuthi bangazibulali, abasebenzisane bayeke ukuthandana. USOBISHINI UMFUNDI OPHIWE U-R14 MILLION NGEPHUTHA
MaCeby Nsim’Ehluthulelwe Njoko: Ha ha ha wenze kahle wayidla. Nami bengizoyidla. Ngabe nginemoto nomuzi kumanje. Ukuthi nje akakwazanga ukuyidla, ngiyazi ayikho nayitshalile. Bengizokwenza izimangaliso mina
Sthembiso Sthe Ngcobo: Ngakhumbula amazwi kaZuma ethi “angicelanga ukuthuthukiselwa umuzi, ngakho ngizoyikhokhela kanjani into engingayicelanga?”
Nokulunga Sibaya: Lo NSFAS yiwo izigebengu ezinkulu bajwayele lokhu kukhwabanisa kanti izobadukela le mali. Akuboshwe bona bayeke umfundi UQAQEKILE UMANYISA KWIDOWNS
Bhekie Zwane: Ngiyamubongela uManyisa, uzisizile wahamba bekuyoze kube nini kudliwa iPirates kukhonjwe yena. ZIYAWUSHAYA kusasa kowayengunkosikazi womsakazi woKhozi FM , uMapule Mchunu owayeshade noCyril Bongani Mchunu owayedume ngelikaKansas City. UMapule, odume ngelikaNdlovukazi uzobopha ifindo likasofasilahlane noThandeka Msane eZunguness. Lezi zikhulu zomsakazo, iNanda FM bezingakufihli ukuthandana kwazo kodwa izinhlelo zomshado bezikhulunyelwa phansi.
Ethintwa uMapule ebuzwa ngomshado uvele waphela insini, esikhundleni sokuphendula umbuzo, wacela intatheli ukuthi imbekele isikhala emcimbini weNgqwele KaMaskandi.
“Kanti awungithinteli umcimbi wenu? Ngicela ungibekela amathikithi, khona abantu engifuna beze emcimbini,” kusho uMapule.
Ugcine evumile ukuthi kule mpelasonto kuzohlangana imindeni yabo ibungaze iminyaka yothando lwabo nesithandwa sakhe emcimbini abawenzayo.
“Kusuka ngomhlaka-19, besinemicimbi eyahlukene emakhaya. Nakule mpelasonto siqhubeka lapho. Angibafuni abezindaba ningafiki,” kusho yena.
Umthombo weSolezwe, uthe: “Abafune zintatheli, kade bakusho lokho. Kodwa konke kuhlelwe kahle, kuzoba umshado ophambili lona. Izinto zabo sezimi ngomumo.” Omunye uthe, laba ngenyanga edlule baqede konke ngezinto ezithinta umabo njengoba kwaba nemicimbi emibili emindenini ngokwehlukana kwayo.
“UMapule wahambisa izingubo kubo kaThandeka, noThandeka wenza okufanayo. Bakwenza amasonto elandelana lokhu. Izimemo bazikhipha kodwa bangidonsa ngendlebe nami ukuthi ngingasidlulisi.” Khonamanjalo khona kusasa, isikhulu seMabala Noise esiphinde sibe umgcinimafa we-ANCYL kuzwelonke, uReggie “Govnor” Nkabinde sekuvele ukuthi naso siyashadelwa.
UReggie uzobopha elikasofa silahlane nengoduso yakhe uBeauty waseBekkersdal, eGoli.
Umshado wabo kuvela ukuthi uzoba sePennington, ePort Shepstone njengoba uReggie engowokuzalwa eMzinto.
Omunye osekuvele ukuthi uyashada ngoSepthemba 16 umsakazi woKhozi FM, uSthandwa Nzuza.
USthandwa uzobopha elikasofa silahlane nosomabhizinisi waseMgungundlovu, uPhilani Gama.
Kuvela ukuthi bazoshadela kwenye yezindawo eHillcrest.