Uyazibongela oweThe Queen

UTHEMBA Ndaba olingisa kwiThe Queen, ubonge abakuleli ngokumkhombisa uthando ngemuva kokulingisa indawo kaBrutus kulo mdlalo. UThemba ubekhuluma neSolezwe ngemuva kokudla umhlanganiso emcimbini wakwaDStv Mzansi Magic Viewers Awards, ngoMgqibelo.

Lo mlingisi uthe kwadingeka ukuthi acabange ngesikhathi abakwaFerguson bemtshela ngendawo azoyilingisa.

“Bathi bafuna umuntu ozolingisa indawo yomuntu onemvelaphi yasemakhaya, ozokhulumisa okomuntu owazi kabanzi ngezindawo zasemakhaya. Ngajula ngazibuza ukuthi ngizokwenzenjani,” kusho uThemba.

Uthe washeshe wabuya umqondo wacabanga oyise ayekhula ebabuka nokwenza washeshe wayibamba indawo ayenikwe yona.

“Kuyangithokozisa ukubona abantu bechazeka ngale ndawo kaBrutus, kukubeka ngokusobala ukuthi umsebenzi wami ababukeli bayawujabulela kakhulu. Mina kudingeka ngiqhubeke ngizimisele nje kuphela ukuze abantu bathokozele indawo engiyilingisayo,” kusho uThemba.

Kulezi zinsuku lo mlingisi akumhambeli kahle njengoba ethunjiwe ngemuva kokuthi kubulawe udadewabo kaGracious (Rami Chuene).

“Maduze abantu bazobona ukuthi ngiyaphunyuka yini kulolu gibe engikulona. Kusazoba nzima kodwa abantu abaqhubeke babuke umdlalo njengoba kungekho okuningi engingakuveza kodwa kukhulu kuyeza kusazoba nzima,” kuchaza uThemba.

Uthe usazobonakala kulo mdlalo ngoba kuseza okuningi okuzojabulisa ababukeli.

UVATISWA Ndara uthe indawo kaNomarashiya abeyiligisa emdlalweni Igazi imakhele ugazi kwabakuleli nabamvotelile njengoba ethole indondo ngoMgqibelo emcimbini weMzansi Magic.

UBONGA abantu bakuleli ngothando abamkhombise lona uThemba Ndaba odume ngelikaBrutus emdlalweni iThe Queen alingisa kuwona