IGrand i10 incanyana kamnandi
ebengihamba ngayo, inamarimu amasha angu-14 inch ayenza ukuthi ibe yimoto ebukekayo.
Ngaphakathi inezinto eziningi, abantu abasha abazitthandayo njengoba kuyimoto eyakhelwe bona kakhulu.
Lezo zinto zihlanganisa i-air conditioner, umsakazo owakhelwe kuyo odlala iCD neMP3, ikwazi ukuxhuma i-USB ne-AUX. Ukwazi nokuxhuma iselula ngeBluetooth.
IFluid ine-central locking, izibuko zihlelwa ngogesi kanjalo namawindi angemuva nangaphambili avulwa futhi avalwa ngogesi.
Inane-trip computer okwazi ukubona ngayo ukuthi idla kanganani uphethroli nokuthi osele nawo ungahamba ibanga elingakanani.
Ngikubalulile ngenhla ukuthi kulula ukuyipaka, lokhu kungenxa yokuthi inepark assist system ngemuva esiza ukuthi ibange umsindo uma uzoshayisa.
Injini yayo ingu-1.25 litre kanti ikhiqiza amandla angu64 kW netorque engu-120 Nm.
Ngebanga lika-100 km idla amalitha angu-5.9 kaphethroli kuthi ezishintshayo yona idle angu-6.9 ngebanga elifanayo.
U-6.9 yiwona engiwutholile ngihamba ngeFluid isonto lonke kodwa ngendlela eyonga ngayo, ibuyele emuva uphethroli unguhhafu kade ilokhu izulazula eThekwini.
Kwezokuphepha inama-airbag amabili okungeyomshayeli nomgibeli ngaphambili bese iba namabhreki e-ABS. Amanani
Grand i10 1.25 Motion manual R186 900
Grand i10 1.25 Motion automatic R203 900
Grand i10 1.25 Fluid manual R202 900
Zonke izinhlobo ziphuma ne-warranty yeminyaka eyisikhombisa noma u-200 000 km, i-roadside assistance yeminyaka emihlanu noma u-150 000km kanti i-service plan uyifaka uma uthanda.