Mabafukulwe impela osomabhizinisi abasafufusa
ethathwa njengekhethekile nakwingqalasizinda lapho kuba nezabelomali eziyizigidigidi kepha bengahlomuli abansundu ngoba abebala bekhethana bona bodwa.
Alukho nohlelo lokwakha ukuze nendlu ensundu izimele noma incintisane nayo kule misebenzi ekhona emikhulu kangaka eyenziwa ngaphansi kohlelo lukahulumemi waKwaZuluNatal lwesabelo mali sika-R36 billion eqondene nengqalasizinda yeminyaka emithathu.
Nezinkampani ezizimele ezenza imisebenzi ehlukahlukane zinikwa amathuba yizikhondlakhondla ezifana noTongaat Hulett Developments ezikhombisa ukungayigqizi qakala indaba yokwabiwa komnotho.
Ngithi masiphefumule nathi njengenye yezinhlangano (iKZN Black Business Association) ezimele elwela ukufukula osomabhizinisi nosonkontileka abasafufusa KwaZulu-Natal. Siyazama ngazo zonke izindlela size sizame nangephepha nepeni ukukhulumisana nabathintekayo kepha kusekhona ukubukelana phansi yize sizikhandla sikhombisa ukubaluleka kwalolu hlelo lokwaba umnotho ngokwakha osomabhizinisi abasafufusa sibacija ngamakhono azobasiza ukuze bancintisane bathole nezinsiza ikakhulu imali yokwenza imisebenzi emikhulu.
Sengiphetha nje ngizothi akusilo neze iphutha lokhu okushiwo yi- ANCYL KwaDukuza futhi sikushayela ihlombe ukuzwa osopolitiki abayikusasa lale lizwe bebona kubalulekile ukufukula osomabhizinisi abasafufusa bebona nokuthi lokhu kuyowufukula umnotho wethu kudale namathuba emisebenzi.
Mangibonge ngethembe ukuthi abaholi bethu kuhulumeni, kwipolitiki nasezimbonini (ikakhulu abamnyama abanezikhundla), bazosukuma baqinisekise ukuthi imigomo kahulumeni emayelana nokufukula abamnyama ngaphansi kohlelo lweBlack Economic Empowerment (BEE) iyasebenza ngokungenzeleli nokungancengi muntu. Thulani Ngubane USIHLALO WE-KZN BLACK BUSINESS ASSOCIATION