Igabe ngamandla nejubane iBMW M4 CS
UMTHANDI wezimoto into yokuqala azibuza yona uma eke wabona uM eduze kwegama lwakwaBMW ufuna ukwazi ukuthi ngabe athini amandla aleyo moto kwazise uM usuke usho izimoto zejubane zakule nkampani yaseJalimane.
Nami angingalokhu ngiqala ngokukuchazela ngobuhle bayo kunalokho angivele ngikuvulele ibhonethi bese ngiyakutshela ukuthi injini abayithukuse khona igabe ngamandla angakanani.
IBMW M4 CS ingena phakathi nendawo kweBMW M4 Coupe with Competition Package neBMW M4 GTS.
Yinto esingase siyibone ngomuso nakwezinye izimoto njengokufika kweM3 CS neM2 CS.
Ithwalwa yinjini engu-3.0 litre eneTwinPower Turbo technology. Njengoba ngikuchazelile ngenhla ukuthi ingaphezulu kweM4 with Competition Package, lokhu lusho ukuthi yengezwe amandla asuka ku-331 kW nokuyenza yona ibe no-338 kW ne-torque engu-600Nm.
Lokhu kuyenza ukuthi isuke ku-0 igxume ifinyelele ku-100km/h ngemizuzwana engu-3.9. Ijubane layo elikhulu balimise ku-280 km/h.
Uma ukwazi ukuthenga lezi zimoto uphethroli kusuke kungesiyo inkinga kangako kuwe kodwa yona ngebanga lika-100km bathi isebenzisa amalitha angu-8.4.
Le moto ishaya nge seven-speed M Double Clutch Transmission (M DCT) eshintsha ngokushesha ngisho ngabe uzishintshela wena kuma-shift paddles ngemuva kwesiteringi. Igiya lesikhombisa ilisebenzisa uma isifuna ukonga uphethroli ukuze ama-revs ezoba phansi.
Yize ithuba lokuyishayela libe lincane kodwa yona amandla ayo abezwakala emzileni wezimoto zomjaho. Engikuthandile ngayo wukuthi ayinawo lamandla angalawuleki ngoba uya ekhoneni ngejubane kodwa ijike kalula kwazise ibambelele futhi inamathele emgwaqweni. Namabhureki awasokoli ngoba ayakwazi ukuyibamba ithule.
Uthi uphuma kulo ikhona isuke isiphele emhlweni ngenxa yokuthi amandla iwathumela ngokushesha emasondweni.
Ngaleso sikhathi izinqawe zayo ezine ngemuva zisuke zindoda okuthi uma ushintsha zikhiphe umsindo osakuqhuma.
(Ungabheka i-video ekhasini lami ku-Instagram @fanelebengu)
Bheka ngoba kuyithatha imizwana engu-12.8 ukusuka ku-0 iye ku-200km/h.
I suspension yayo ithi ayifane neM4 with Competition Package. Iphuma ne-Adaptive M suspension eyenza ukuthi ihambe kahle emgwaqweni nasenkundleni yezimoto zomjaho.
Ukuze inamathele ishaya ngeDynamic Stability Control system eneM Dynamic Mode ne-Active M Differential. Umshayeli uyakwazi ukukhetha indlela afuna ihambe ngayo phakathi kukaComfort, Sport noSport+ ngokuciphiza ibhathini.
IBMW M4 CS inamasondo eMichelin Pilot Sport Cup 2 (front: 265/35 R 19, rear: 285/30 R 20) angenye yezinto ezenza ukuthi inamathele emgwaqeni.
Ubuhle yinto yayo le moto. Uma uyibuka ngaphambili ishaya ngamalambu angamaLED bese iba nama-air intakes enza ukuthi kungene umoya wokupholisa injini. Ngemuva ebhuthini ine carbon-fibre Gurney spoiler. Ishaya ngezinqawe ezine.
Ngeke ikudide nakancane ukuthi yiM4 CS ngoba iqoshiwe ngemuva.
Ngaphakathi inezihlelo othi uma ukuzo kube ngathi ugonile eziyisikhumba.
Le moto izohamba idlanzana njengoba kuzokwakhiwa ezingu-3 000 emhlabeni bese kuthi eNingizimu Afrika kudayiswe kuphela ezingu-60 phakathi kwamanje no-2019. Mhlawumbe ngesinye sezizathu esenza nenani lithi ukuluma ngoba ngeyabakhethiwe kwazise zishiyana ngemali elinganiselwa kuR400 000 neM4 with Competition Package. Inani