Kufunwa uvo lomphakathi
USUSEZITHEBENI zomphakathi ukuthi uphawule umthethosivivinywa wokufundisa ingane ekhaya, iDraft Policy on Home Education.
UNksz Troy Martens, okhulumela uNgqongqoshe weMfundo eyisiSekelo uNkk Angie Motshekga, uthe umphakathi, izigungu ezilawula izikole aziphawule ngomthethosivivinywa. Kuzovalwa ngoDisemba 8, 2017 ukwamukela iziphakamiso ngawo.
Uthe ukufundisa abantwana ekhaya wuhlelo olukhona emnyangweni. Uthe wuhlelo olujwayele ukusetshenziswa ngabakhuluma isiBhunu.
“Lolu hlelo lwenziwa ngokuhlanganyela nomzali womfundi njengoba umfundi efunda esekhaya. Umfundi akalubeki esikoleni. Lolu hlelo lukhona ngisho emthethweni wezikole iSouth African Schools Act (SASA),” kusho uNksz Martens.
Uthe zonke izifundazwe kumele zilandele imigomo ebekiwe ngokufundiswa kwabafundi emakhaya.
Uqhube wathi babuyekeza lo mthetho ukuze bavale igebe elikhona ekufundiseni emakhaya.
Okunye kwakho kuthinta iqhaza okumele libanjwe ngumzali ngokuvivinya umfundi ofundiswa esekhaya.
“Kubhekwa nokuthi umfundi uhlangabezane nayo yonke imibandela ethinta ukuphasa kwakhe. Abazali abafuna ukufundisa abantwana babo emakhaya kumele bathole imvume kwinhloko yomnyango wezemfundo esifundazweni,” kusho eminye imigomo yomthethosivivinywa. UNksz Martens uthe umthethosivivinywa ubalula nokuthi yikuphi umzali okumele akwenze uma