I-Bongo Maffin izonandisa kwi-jazz

IBONGO Maffin isafuna ukujabulisa abalandeli bayo ngomculo omdala ngaphambi kokungena estudiyo ngonyaka ozayo.

IBongo Maffin, ebunjwe nguStoan, Jah Seed, Thandiswa Mazwai noSpeedy, imenyezelwe njengeqembu elizonandisa ngehora lekhethelo iDJF Special Hour kwiDurban Jazz Festival, eHazelmere Dam, ngoDisemba 26.

USpeedy utshele Isolezwe ukuthi bazokhumbuza abantu ezamzukwana uma sebenandisa. Uthe uma beqashwa abathathi noma yimiphi imicimbi kodwa bathatha eyekhethelo kuphela. “Okwamanje sisazijabulisa futhi siyazwana sonke. NgoJanuwari sizongena estudiyo bese umculi uphuma ngoFebhuwari noma ngoMashi kodwa sizomemezela kahle izinhlelo ngoJanuwari,” kusho uSpeedy.

Omunye wabahleli beDurban Jazz Festival, uWanita Ngcobo, uthe okwamanje akakwazi ukuqinisekisa isikhathi sokuthi iBongo Maffin izongena nini esiteji. Ukhumbuze abantu ukuthi kulo nyaka njengoba begubha iminyaka engu-15 umcimbi uzodonsa izinsuku ezimbili, uzoqala ngoKhisimusi. “Kuzobe kunandisa iJoyous Celebration ezongena esiteji ngo-8 ebusuku iqede ngo-1 ekuseni. Izohlaba ikhefu kanye.”

Amathikithi aqala kuR295 eComputicket.

Ngosuku lwe-jazz uthe amathikithi akhona abiza ukulisebenzisa ayi suka. uR295, R350 iGolden Circle kuthi iPlatinum VIP ibe nguR1 500.

“I-VIP ihlanganisa indawo yokupaka, ukudla, iziphuzo ezikaliwe nokuhlala etendeni eliphakeme ukuze ubone kahle yonke into.”

Uthe olunye uhlu lwabaculi bazoliqinisekisa ngokuhamba kwesikhathi.

Isithombe: SIGCINIWE IQEMBU eladuma kudala iBongo Maffin lizonandisa kwiSpecial Hour seDurban Jazz Festival eHazelmere Dam ngoDisemba 26

Isithombe: BIG CONCERT UBRANDY noBrian McKnight kulindeleke bajabulise abalandeli babo emakhonsathini amane. Laba baculi base-USA kulindeleke ukuthi bafike namhlanje. Bazoqala ngomcimbi oseSun Arena, ePitoli, ngoMgqibelo bayivale eThekwini ngoLwesine oluzayo