IPosi lizothola ilayisensi yebhange
inamakhono afanele okuba yibhange elikhulu okuholela abantu izibonenelo zikahulumeni. Sifuna ithole ilayisensi yokuba yibhange elikhulu. Siyasamukela nesinqumo sokuthi kube iyona eholela abantu izibonelelo zikahulumeni ngonyaka ozayo,” kusho uMthembu.
Ucele uhulumeni ukuthi aphuthumise uhlelo lokunikwa kweposi ilayisensi yokuba yibhange elikhulu ukuze abantu basebenzise lona ukonga imali.
Uthe engqungqutheleni ye-ANC bazophakamisa ukuthi uhulumeni alondoloze imali eposini ukuze lidlondlobale.
EGauteng uhulumeni wabuza umphakathi ukuthi ngabe kufanele asebenzise liphi ibhange, uma isiphakamiso sikaMthembu nekomiti lakhe siphumelela kusho ukuthi iGauteng nezinye izifundazwe ngeke zisebenzise amabhange azimele kodwa zizosebenzisa iposi ukulondoloza imali.
“I-ANC kufanele iqinisekise ukuthi iposi liyadlondlobala ngokuthi lisetshenziswe njengamabhange amakhulu. Amazwe amaningi okuhlanganisa iChina anamabhange ombuso nathi kufanele sibe nebhange lombuso eNingizimu Afrika,” kusho uMthembu.
Ukhale nangokubiza kwe-data eNingizimu Afrika, wathi kufanele yehle.
“Ngeke siluzibe udaba lwe-data ngoba sifuna yehle. Sizoluphakamisa udaba lwayo engqungqutheleni yangesonto elizayo.
“I-Icasa ithe izindleko zokufona mazehle zisuka ku-R2.85 ziye ku-R0.66cents. Isematasa nokulwa nezinkampani zamaselula ukuthi zehlise i-data. Sizofaka ingcindezi nathi ngoba siyifuna yehlisiwe. Akumele abantu bakithi bavinjelwe ukungena kwi-internet ngenxa yokumba eqolo kwe-data,” kusho uMthembu.