Ugila izimanga umbhukudi osemncane
THE CHRISTIAN EVANGELIST CHURCH OF ZION IN SOUTH AFRICA: Ibandla elingenhla ngaphansi kobuholi buka-Archbishop SS Ncwane lazisa wonke amalungu alo ngenkonzo ezoba kwaD1337 Maqongqo Road, KwaMashu mhla ka 10 Disemba 2017 ngo 10 ekuseni kwaMfundisi Nsele. Ngeminye imininingwane ungaxhumana noMfundisi Nsele ku 079 387 9913 noma uMfundisi Ncwane ku-074 624 6123.
VUKA ZULU SABATHA CHURCH ZION IN S.A:
Kwaziswa bonke abaholi nabazalwane bebandla elibhalwe
GEJENI: Ibandla laseGejeni lazisa amalungu alo ngomhlangano kaDisemba womama ozoba seCinci ngaphansi kukaMfundisi Mpanza mhla ka 15 kuya ku 17 Disemba 2017. Ngeminye imininingwane ungathinta uNobhala ku-082 553 5949.
USEBHEKE ukungenela imincintiswano emikhulu yokubhukuda umfundi osemncane waseThekwini, ogila izimanga kulo mkhakha wezemidlalo.
U-Art Mpungose (9) ofunda uGrade 3 esikoleni iGlenwood Preparatory, usewole indathane yezindondo emincintiswaneni ehlukene yokubhukuda, nokuyinto esayivela kancane ezinganeni zabamnyama. Lo mfanyana okuthiwa waqala efunda enkulisa ukubhukuda, ukhombisa ikusasa eliqhakazile kulo mkhakha njengoba nothisha bakhe bephakamise ukuthi ajoyine ikilabhu ezimele kwezokubhukuda.
Uyise uMnuz Zamo Mpungose uthe indodana yakhe ibivele izifela ngamanzi kusukela ebuncaneni bayo. Yaqala ukubhukuda ineminyaka emine enkulisa kodwa bengazi ukuthi iyogcina ingumpetha kulo mkhakha.
“Waqala ukubhukuda encintisana nabanye abafundi esikoleni nakhona kubonakala ukuthi unethalente eliyisimanga. Ubewina emincintiswaneni, othisha bakhe bathi kumele ajoyine ikilabhu ukuze athuthukise ithalente,” kuchaza uMpungose.
Uthe ikilabhu yokubhukuda, iPisces Swimming Academy uyijoyine ngoMeyi nonyaka, waqala ukungenela umncintiswano wamakilabhu ahlukene eKings Park ngoJuni, waphuma phambili eminxeni emine ayingenele. Uphinde wangenela iKZN Junior Championship nakhona wawina, wadlulela esigabeni sesibili waphuma phambili eminxeni emibili. Ungenele neTYR Swimming Gala wathola izindondo ezimbili zesiliva, ezimbili zethushi neyodwa yegolide. Ugcine ukungenela umncintiswano i-Aqua Dolphin nakhona waphuma phambili kuyo yonke iminxa abengenele kuyo. NgoJanuwari uzongenela iNational Junior Championship, okuthiwa uyibheke ngabomvu. Uyise uthe uzama ngayo yonke indlela ukweseka indodana yakhe ukuze ifeze iphupho lokuba ngumpetha kwezokubhukuda.
“Ngifisa nokuthi athole uxhaso oluzomenza angenele imincintiswano emikhulu, agcine ekwazi ukuziphilisa ngawo lo mdlalo. Othisha abamfundisa ukubhukuda bathe indlela ashesha ngayo, kuzoba lula ukuthi asheshe angenele ama-Junior Olympics,” kusho uMpungose.
U-Art kuthiwa uziqeqesha zonke izinsuku ukuzilungiselela imincintiswano. Uzilolonga nekilabhu yakhe abuye azilolonge nomqeqeshi ozimele. Usaqhubeka nokungenela imincintiswano esikoleni, nakhona aphume phambili. Ngesikhathi ezofunda uGrade 1 esikoleni kuthiwa usheshe wafakwa eqenjini lesikole lokubhukuda ngenxa yethalente elisheshe lagqama.