Ulaka lwabantu ngesakwaH&M
KUSHE AMABHASI KWABUYA AMATEKISI
Msizi Elvis Muthwa: Ukuhluleka kukangqongqoshe konke lokhu. Wayeyifakelani inqwaba yamaphoyisa agade irenki ekubeni azi kahle ukuthi amatekisi awasebenzi? La maphoyisa abegade bani? Bekumele aqhubeke amatekisi bese andisa isibalo samaphoyisa emarenki nalapho kuvame khona ukucuthelwa kosomatekisi.
Seni Steven Zondi: ayikho imboni egcwele amaphara ukudlula eyosomatekisi. Uma unombono ohlukile kowabo bakuthumelela izinkabi “zizokuvala” umlomo. Vele
‘IYAFUNEKA INGQUNGQUTHELA UKWELAPHA IZILONDA EZINGAPHOLI E-KZN’
Qhali Mj MpediMoholo: Engabe uMsholozi uthuleleni ngodaba lwaseKZN lapho uKhongolose uhlukene phakathi kwaze kwagijinyiswana ezinkantolo ekhona engumholi wabo. Mhlawumbe uRamaphosa uzozama ukulamula.
Musah Msai Ndamase: Ayiqalwe phansi ingqungquthela. NaseThekwini ayiqalwe phansi kubhekane uGumede noNxumalo. Ubulungiswa ngabe benziwe kahle nje.
SIZILUNGISELELE UKUFELA ENKUNDLENI: NYATAMA
Mthoko Bless Njapha: Abadlali abebeboshelwe sidla iBaroka yibona okumele baqale uma sekudlalwa neSundowns. Kodwa-ke uma kusazoba khona lo Makola (Makhokhoba) ngeke siyishaye.
Ndumiso Madumbe Mthiyane: Iwona moya esiwufunayo njengabalandeli noma kunzima kanjani nifele khona. Phezu kwabo bafana.
Sphamandla Makhoba: Kungcono uMatlaba uzobe engekho. Ngifisa sengathi noMakola angangabuya benoGabuza.
OSAZIWAYO sebenxuse ukuthi zingathengwa izimpahla zesitolo sakwaH&M, ngemuva kokuthi ngoMsombuluko lesi sitolo sifake isikhangiso somfana omnyama egqoke ijezi elibhalwe ukuthi “The coolest monkey in the jungle” okungahunyushwa ngokuthi Inkawu ehlakaniphe kunazo zonke ehlathini.
Lesi sikhangiso sicasule abaningi basola isitolo ngokucwasa ngokwebala kusetshenziswa lo mfanyana.
Abanikazi besitolo besheshe basikhipha isitatimende baxolisa ngaso. Bathe bayaxolisa kubo bonke abathintekayo ngesikhangiso futhi ijezi ebeligqokwe wumfana ngeke litholakale ezitolo zakuleli.
Kodwa ezinkundleni zokuxhumana abantu baveze ukuphoxeka kwabo ngalesi sikhangiso. Nosaziwayo okukhona kubo uSomizi Mhlongo, Minnie Dlamini-Jones noKwesta baveze ukungenami kwabo.
USomizi uthe akaze asithande lesi sitolo selokhu safika kuleli. “Okokuqala abakaze bakhombise ukuthi bangabantu abadayisela abantu bebala emikhankasweni yabo e-Afrika. Manje sekuyilokhu. Asibakhombise amandla enkawu ngokuthi singathengi,” kubhala uSomizi. UMinnie kucace bha ukuthi iyamcasula le ndaba njengoba evele wathi: “Abahambe bayoshona.”
UKwesta uthe unazo izimpahla zakulesi sitolo futhi usethathe isinqumo sokuzishisa. “Ngizozishisa ekuseni,” kubhala uKwesta.
UCassper Nyovest uthe ngeke aphinde athenge kulesi sitolo.
Ngisho abaculi baphesheya kwezilwandle okukhona kubo uThe Weeknd noP Diddy bakhombise ukuphoxeka ngalesi sikhangiso. umshayisibhakela odumile uFloyd Mayweather uvele washintsha umbhalo obusesikibheni wabhala ukuthi Ngimnyama futhi ngimuhle.