Usebuyile phesheya obelingisa kwiThe Queen?
UDAVIDS UKHALE NGOKUPAKA IBHASI KWEPIRATES
Marcus Sbonelo Nxumalo: Yena uhlulwe yini ukuthola isikhiye sokudumisa lelo bhasi bese liyasuka endleleni? Usenomqondo kaPitso wokuba nezaba uma edliwe.
Mjabu Nodlalisa Kanhlendla Mpanza: IPirates ipaka ibhasi? Wothi uyadlala mbhemu.
Xolani Mzukulu kaManyosi Shandu: Uma kuwukuthi leyo bhasi ibivimbela ukuthi iMaritzburg United ingawashayi amagoli, kulungile phela ngoba lokho bekuzosiza iPirates. Naye akokwenza okuzosiza ezakhe.
UBUTHELEZI UVUMA UQHEKEKO KWIIFP
Xolani Mfihlo Shozi: UShenge uyisibonelo esihle, akambhengcezi, iqiniso ulikhuluma njengoba linjalo, akafukameli iqembu ngamanga.
Ntokozo Mokoena: Ngiyabonga Mntwana ngoba uyavuma kunokuthi uphike njengabanye abakhuluma ukubuyisana kodwa behlaselana kwabezindaba.
IYAQONGA EYOKUKHISHWA KUKAZUMA
Mcebo Menzi Ntuli: Bebemphaphela vele. UZuma wavotelwa yithi hhayi bona, sizomkhipha ngonyaka ozayo abamyeke bayaqina.
Lindelani Mthalane: Lokhu asebekuqalile baze bakugcine. Siyaya okhethweni. Zolo lokhu bebekhuluma ngobumbano namhlanje bafuna uzinzo lomnotho ngokukhipha abaholi abathile. Elami lithi nakuleyo ndoda eniyithwele ngeqoma lizophenywa ibheshu elimbethe kuzovela nokuthi kukhonani. Isiyohlangana khona.
Vukani Cele: Hlala Nxamalala nabo abalinde u-2019 yini ebashisa kangaka nje bengasakwazi nokulinda, isikhathi sakho sesiyaphela
USETHUKA izanya umsakazi wesiteshi somphakathi esihamba phambili KwaZuluNatal, iZwi Lomzansi 98.0 FM, u-Andile ‘MC Pholobas’ Ngcobo ngemuva kokuhlaselwa ngamadoda amahlanu phakathi kwamabili muva nje eNtuzuma.
Lo msakazi uthe wayelele endlini nengane yakhe nomfowabo ngesikhathi ezwa kukhona ongqongqozayo emnyango.
“Bathi angivule isicabha ngoba bangamaphoyisa. Ngathi ngeke ngivule bengangikhombisanga ubufakazi bokuthi bangamaphoyisa ngempela. Baze basizwa wukuthi bathi bahamba nomseshi uMbhele okunguye ophenya icala lami.”
UMC Pholobas uthe kwathi uma evula isicabha lezi zinsizwa zavele zavimba isicabha maqede zamgxavuna zamkhiphela ngaphandle.
“Zathi angiphume ngoba azifuni engilele nabo babone amanyala azokwenzeka. Ngisathuke kanjalo, bangingenela ngezimpama nangezinyawo, bethi angingalubeki ecaleni engalivulela abantu abangidubula.” Njengoba kwakufanele avukele ohlelweni lukaBongani Mavuso oKhozini, uMC Pholobas uthe wabona ukuthi makangayi ngoba uzozifaka enkingeni.
UMC Pholobas uthe nakuba engalinyazwanga kakhulu kodwa uselala obenyoni ngenxa yokuthi sekungokwesibili ehlaselwa. Ngo-Okthoba 2016 lo msakazi, obuye abe yisishoshovu samalungelo abantu abanebala elimhlophe, wathi wayephuthuma emsebenzini ngesikhathi ehlaselwa ngabantu abasagqunywe esitokisini. “Bangithatha bangivalela emotweni bangiphuca yonke impahla yami, ngisho ne-laptop namaselula,” kuchaza uMC Pholobas weMasiqoqane Albinism Foundation, inhlangano elwa nokuhlukunyezwa kwabanebala elimhlophe.
Okhulumela amaphoyisa KwaZulu-Natal uColonel Thembeka Mbele uthe lesi sehlakalo senzeke ngoJanuwari 28 ngo-12.30 ekuseni eNtuzuma. “Indoda eneminyaka engu-27 yahlaselwa ngabasolwa abangaziwa. Bayisabisa ngaphambi kokubaleka,” kusho uColonel Mbele. Uthe akukaboshwa muntu kodwa UNATASHA Thahane, othe khumu kwiThe Queen ngonyaka odlule ukuze ayofundela ukulingisa phesheya, useziphothulile izifundo zakhe.
Ngaphambi kokuthi anyamalale, umlingiswa kaNatasha kwakukade kuwu-Amogelang Maake emdlalweni okhonjiswa kwiMzansi Magic ngo-9 ebusuku ngoMsombuluko kuya kuLwesihlanu.
Ngokomdlalo wahamba eya phesheya ngemuva “komngcwabo” kayise uJerry Maake (Shona Ferguson) owanyamalala isikhashana wathushuka esethi akafanga ngesikhathi kade kusha indlu yakhe.
UNatasha ubefunda eNew York Film Academy. Emcimbini wokuthweswa kwakhe iziqu kwakukhona ingwazi yemidlalo yeshashalazi, uJohn Kani, nendodana yayo, u-Atandwa Kani.
Njengamanje uNatasha usebuyile eNingizimu Afrika futhi uke wakusikaza ukuthi uyabuyela kwiThe Queen.
Ekhasini lakhe lika-Instagram uke wafaka isithombe sakhe kungathi uyacabanga esihambisana nombhalo othi: “Yima... uKagiso akanamuntu manje? #TheQueen-Mzansi.”
Okhulumela iMzansi Magic, uNondumiso Mabece, uthe uNatasha ubengakabazisi ukuthi uyabuya yini emdlalweni.
“Sizolindela ukuzwa kubakhiqizi bomdlalo (Ferguson Films) nakuye ukuthi ngabe usazophinde abonakale elingisa yini kwiThe Queen,” kusho uNondumiso.
Kulezi zinsuku umdlalo ugxile kakhulu kuShaka (SK Khoza) nesithandwa sakhe esisha esisanda kufika uMabatho (Motsoaledi Setumo) oyisihlobo sezimbangi zakwaKhoza, abakwaMabuza.