Safelwa ubaba imayini yaphula isithembiso
MHLELI: Ngingajabula uma eliwela mfula ugcwele lingathatha amagxathu liye KwaNdongaziyaduma.
Ngibhala le ncwadi nje kungenxa yemayini yaseGoli, i-Eastdry Fontein Gold.
Ubaba wayesebenza kuyo iminyaka engaphezulu kuka-20. Ngeshwa wasishiya ngoAgasti 13, 2002 engozini yemoto elibangise khona emsebenzini. Besisebancane ekushoneni kwakhe. Abasemsebenzini bathembisa omama bethu ukuthi bazosifundisa, size siye emanyuvesi. Nakhona bazosiqhuba ngoba ikhona imali ebekelwe umuntu ngamunye MHLELI: Ngithi angiphawule odabeni locwaningo okuthiwa lwenziwa uMnuz Kgalema Mothlante nethimba lakhe oluphume nesiphakamiso sokuthi makuthathwe umhlaba okwiNgonyama Trust.
Ngokwami ngibona beshaya eceleni ngoba empeleni umhlaba esiwufunayo wobabamkhulu yilona osesemabhunwini anamapulazi angodedangendlale.
Abantu baphushelwa emaqaqasini nasemahlanzeni eminye imiphakathi yathathelwa lonke izwe ukuthi ayofunda.
Okufike kwangidida ngabo wukuthi basinika umfaniswano wesikole njalo ngonyaka. Ngiwutholile ngo-2003 kuya ku-2005 kuthe ngo-2006 kubheke ku-2010 umama ubesezihlanganisela saze saqeda esikoleni. Engimelamayo uqede ngo-2008 mina ngaqeda ngo-2010. Lokho kusho ukuthi ngineminyaka eyisikhombisa ngaqeda isikole. Sizame ukubafonela ukuba basize ngoba ngisiqedile isikole. Sesicela uxhaso njengokusho kwabo ukuze siyofunda kuvaleke isikhala sokuthi sashonelwa ubaba sisebancane.
Sabashayela ucingo saze sazibuka izinombolo abazinika abazali bethu namaphepha emininingwane yabo, ezinye zingasasebenzi. Impilo ayizange ibe mnandi kusukela kwashona ubaba ngo-2002, kungcono ukuba bathi kulesi sikhathi esaphuma ngaso esikoleni uma kubaxaka ukukhokha basifaka emsebenzini. Ngabe kuyezwakala. Manje abayikhokhi imali kababa, abasifakanga emsebenzini. Inkiyankiya le phela ngoba lapha eNingizimu Afrika awukho umsebenzi ophilisayo ongawuthola ngesitifiketi sika-matric.
Ngizifake kakhulu izicelo zomsebenzi kule minyaka eyisikhombisa kodwa lutho ukuthola umsebenzi, zangihleka izifundiswa ezifunde kakhulu. Ziqhosha ngamaCV zingibiza ngesiqhaza, inyoni emhlophe. Lokho akwehlanga kahle kimi ngoba ngiyazazi ukuthi esikoleni bengenza kangcono. Ukuba bayikhipha imali ngabe abazange bathi ngiyisiqhaza.
Besicela benze ubulungiswa ngoba nabo wabasebenzela esaphila ubaba ngaphandle kwezinkinga nezinxushunxushu.
Kubi kodwa ngoba ezweni lakithi kunabantu abangenanembeza, abadla imali yabanye abantu. Kuthini kumuntu enhlizweni yakhe ondle izingane zakhe ngemali okufanele ngabe yondla izingane zamanye amadoda, ezakhe izingane bese ziyaphumelela naye aphume umkhaba? Ngakolunye uhlangothi izingane zamanye amadoda zincela izithupha.
Kungakuhle basikhokhele imali kababa baphinde basichazele singumndeni ukuthi yini le eyabavimba ukuthi bakhiphe imali kababa. Kwazi Jobe