Iziboshwa ziz
ZIZOCELA uxolo bukhoma kuthelevishini iziboshwa ezenza okubi emindenini ehlukene kuleli, ohlelweni olusha oluthi Yobe, oluzoqala ku-1Magic, ngoMgqibelo ngo-8, ebusuku.
Lokhu kuqinisekiswe okhulumela uMzansi Magic, uNondumiso Mabece, njengoba ngesonto eledlule beveze uhlu lwezinhlelo ezintsha eziqala kuMzansi Magic naku-1Magic.
UNondumiso uthe, kusuka ngempelasonto kuzoqala izinhlelo ezintsha kulesi siteshi, ezizobe sezibonakala kuMzansi Magic kusuka ngoMsombuluko kuze kube uLwesine ngo-8, ebusuku.
“Sijabule ngalolu hlelo esingangabazi ukuthi luzothokozelwa abaningi kuleli futhi lube usizo nesifundo emiphakathini esihlala kuyo. Kulolu hlelo kuzobonakala iziboshwa ezingaphakathi ejele esezifake isicelo sikashwele. Ngaphambi kokuthi ziphume zizofuna ukuhlangana nemindeni ukuze zixolise,” kusho uNondumiso.
Uthe lolu hlelo kuzobonakala iziboshwa ezenza izinto ezehlukene okukhona kuzo ezabulala, ezadlwengula nezenza ubugebengu obehlukene emphakathini.
“USiyabonga Twala uyena ozoba umethuli walo njengoba aphinde abe ngomunye wabasunguli balo,” kusho uNondumiso.
Khonamanjalo lesi siteshi sesinxuse abantu bakuleli ukuthi bayeke ukuqopha iziqephu zezinhlelo ezehlukene ezikhonjiswa ku-1Magic kuqala, ngaphambi kokubonakala kuMzansi Magic.
Lokhu kulandela ukuthi muva nje iziqephu zohlelo Uthando