Luya enkantolo olwabakwaGrade R
LUYA enkantolo yabasebenzi udaba lothisha bakwaGrade R njengoba iNatu ithi izofaka amaphepha aphuthumayo ukuze labo thisha bakhokhelwe imali kusuka ngo-2016.
Kusuka ngo-2016 labo thisha kabanyuselwa umholo nguMnyango wezeMfundo KwaZulu-Natal.
UMnuz Allen Thompson, iPhini likaMengameli weNatu, lithe kusanothisha abangakayitholi imali yabo yangenyanga edlule.
Uthe noma umnyango uthi usuqalile ukubaholela kodwa kunenqwaba engakaholi.
“Ngikhuluma nje kunenqwaba esalokhu isishayela izingcingo emahhovisi ethu ithi ayiholanga noma umnyango uthe uqalile ukubaholela. Siya enkantolo ngoba sifuna bakhokhelwe umholo okwakumele banyuselwe ngawo kusuka ngo-2016. Bagcina ngo-2015 ukunyuselwa umholo labo thisha,” kusho uThompson.
Uthe iningi imali umnyango okumele uyikhiphe ngothisha ngamunye.
“Awukwazi ukuthi ungarobha labo thisha abavele bahola imali encane bese ungabanyuseli imali. Noma sebekhokheliwe umholo wabo wangenyanga edlule sizolwela ukuthi bakhokhelwe uchatha okwakumele bawuthole.” UNobhala weSadtu uNksz Nomarashiya Caluza, uthe basafuna ukuthi bakhokhelwe uchatha onguR9 000 kwabanye okunguR15 000.
Okhulumela umnyango, uMnuz S’celo Khuzwayo, utshele Isolezwe ukuthi baqalile ukukhokhela labo thisha.
Ngeledlule iSadtu neNatu bamashele esiShayamthetho sesifundazwe eMgungundlovu ngesikhathi uNgqongqoshe walo mnyango uMnuz Mthandeni Dlungwane ethula isabelo sezimali.
Lezi zinyunyana bezizwakalisa ukukhathazeka ngokungaholelwa kothisha bakwaGrade R.
UNksz Nontembeko Boyce, uSotswebhu we-ANC esiShayamthetho, uthe ngo-2012 le nhlangano yanquma ukuthi uGrade R ufakwe ngaphansi komnyango wezemfundo baqashwe ngokugcwele.
Uthe abahambisani nokuqashwa kwabantu babe ngamatoho wathi bafuna