‘Lungaba yimpumelelo udaba lomhlaba’
Trust kukhombisa ukuthi uma amakomiti okuphathwa komhlaba obuyiselwe uhulumeni kubanikazi bawo engayeka ukuklwebhana, kuningi okungenziwa.
“Ukusebenza kahle kwekomiti kwenza ukuthi uhulumeni angacabangi ukuthi wenza iphutha ngokuvula ithuba lokuthi umhlaba ubuyiselwe kubanikazi bawo. Ngeshwa ambalwa amakomiti okuphathwa komhlaba obuyiselwe kubanikazi bawo asebenzayo kahle, amaningi ayalwa, kubangwa ukuthi ngubani okumele aphathe ikomiti, umsebenzi omkhulu wokusebenza umhlaba abanikezwe wona ungaqhubeki,” kusho uNene.
Uqhube wathi ngokuzwa kwakhe iThuba aliqali ukufaka isandla ekuthuthukisweni komphakathi wendawo njengoba selike lafaka isandla ekwakhiweni kwezikole, nokufakwa kwamakhompyutha ezikoleni eziningi IKHASI ELIKHOKHELWE ezakhele isizwe sakwaNgcolosi.
U-Advocate Bheki Mbili weKhomishini yokubuyiselwa komhlaba KwaZulu-Natal, uthe eminyakeni eyisikhombisa esebenzela ikhomishini akakaze alibone ikomiti elisebenza kahle njengelamaNgcolosi.
“Ezindaweni eziningi sihlale sibizwa kuthiwa asizolamula ngoba amalungu ekomiti axabene. Kule ndawo akwenzeki lokhu ngoba kwakhiwa inkampani iThuba, amalungu ekomiti angamalungu ebhodi elibheke ukusebenza kwenkampani.”
Ipulazi elingamahektha awu-8000 labuyiselwa emphakathini ngo-2005. Ku-2000 ha walo kutshalwe umoba, u-4000 ha kwatshalwa ihlathi, u-120 ha kwatshwalwa ummbila.
UNkk Bongiwe Jali, umfelokazi ohlomule ngomuzi, uthe: “Ngiswele amazwi okubonga, bengingeke ngikwazi ukuzakhela umuzi onjengalo ngibe ngikhulisa izingane ngemali engiyisebenza emakhishini,”
NoNkk Nkosingiphile Dlamini uthe uzoke ahlale angakhathazeki uma isimo sezulu sisibi.