Ifike nezinguquko iKia Sorento
UKUFIKA kweKia Sorento entsha kuleli sonto kuze nezinguquko njengoba kukhona izinhlobo esezihoxisiwe. Izinhlobo ezingeke zisatholakala yiLS, SX neSXL.
Lokhu kusho ukuthi sezimbili izinhlobo ezitholakalayo okuyiLX ne-EX. ISorento yatheleka eNingizimu Afrika ngoJuni ka-2015 njengoba isithuthukisiwe nje.
Ngaphandle ushintsho lwenziwe ngaphambili kubhampa, kwigrille, amalambu amasha futhi kwashintshwa amaLED Daytime Running Lights.
Ngemuva kunobhampa omusha, amalambu ashintshiwe kwashintshwa nesivalo. Zonke izinhlobo zinamarimu amasha angu18 inch kwafakwa nesipele esilingana nawo wonke amasondo.
Ngaphakathi bathi ukuyithinta indlela isiteringi esimi ngayo, igiya ne-instrument cluster kanjalo nalapho kuphuma khona umoya we-aircon nakwi-centre console.
Okunye wukuthi ilayisha abagibeli abafinyelela kwabayisikhombisa futhi izihlalo zangemuva ziyagoqeka ukuze kwande isikhala sempahla.
Njengoba sezizimbili izinhlobo, iLX iphuma nezinto ezihlanganisa idual zone automatic air-conditioner, amalambu azikhanyisa uma kumnyama, izibuko ezigoqwa ngogesi futhi ezishisayo ukuze kusuke inkungu, amawindi kagesi nendawo yokufaka i-USB ngemuva.
I-EX yona ifika nezihlalo zangaphambili ezihlelwa ngogesi, roof rails ne wireless smartphone charger nokunye.
Zonke zine-8 inch touchscreen enenkombandlela.
Ngaphansi kwebhonethi babuyise injini engu-2.2 litre turbodiesel enamandla angu-147 kW netorque engu-440 Nm.
Bathi isuka ku-0 iye ku-100 ngemizuzwana engu-9.4 kanti ijubane elikhulu ngu-203 km/h.
IyiSUV yokuqala yakwaKia ukufika ne-8-speed automatic transmission.
Ezokuphepha zihlanganisa i-ABS ene-EBD, ama-airbag ayisithupha futhi amawindi kagesi awavaleki uma kunento ephazamisayo njengesandla. InePark Distance Control nekhamera ngemuva. Amanani KIA Sorento 2.2 CRDI LX
R569,995 KIA Sorento 2.2 CRDI LX AWD
R609,995 KIA Sorento 2.2 CRDI EX
R599,995 KIA Sorento 2.2 CRDI EX AWD
R639,995 Iphuma ne warranty yeminyaka emihlanu, service plan yeminyaka emihlanu noma u-100 000km neroadside assistance yeminyaka emithathu.