BANQATSHELWE IBHEYILI ABABOSHWE EMABHIDA
ABASOLWA abane kwabayisithupha ababoshwe ngempelasonto eMoses Mabhida Stadium, bavele izolo enkantolo yaseThekwini, iDurban Magistrate benqatshelwa ibheyili.
Babhekene namacala okudayisa amathikithi omgunyathi, ukungena enkundleni ngokungemthetho nokweba.
Ngokwesitatimende esikhishwe yiPremier Soccer League, uZipho Dube uboshelwe ukungena enkundleni, uSmiso Shandu uboshwe namathikithi angombombayi benoThembinkosi Ndwandwe. UThamsanqa Mkhwanazi uboshelwe ukweba utshwala.
Akukaziwa ukuthi bazobuyela nini enkantolo.
“I-Premier Soccer League iwushayela ihlombe umsebenzi oncomekayo weSouth African Police Service (SAPS), wokubuyisa umthetho nokuziphatha kahle emidlalweni kanobhutshuzwayo. Iligi iyakholwa ukuthi lesi sinqumo esiqinile sokunganikezwa kwabasolwa ibheyili sizothumela umyalezo oqinile kwizixhwanguxhwangu ezihambela imidlalo yebhola. Zizobona ukuthi ngeke zimelwe izenzo eziphula umthetho okuhlanganisa nalabo abadayisa amathikithi omgunyathi,” kusho isitatimende sePSL.
Okhulumela amaphoyisa KwaZulu-Natal, uColonel Thembeka Mbele, uthe abasolwa baboshwa ngokwehlukana kwemidlalo.
Abanye baboshwe ngoMgqibelo ngesikhathi kunomdlalo we-Orlando Pirates naMaZulu FC eMabhida. NgeSonto ngesikhathi kudlala iKaizer Chiefs neSuperSport United kuboshwe abanye ababili.
“Siyanxusa umphakathi ukuthi ungawathengi amathikithi awumgunyathi nakubantu abangagunyaziwe ngoba lokho kuholela ekutheni kugcwale ngokweqile ezinkundleni. Amaphoyisa azohlale eqaphile ukuze alwisane nobugebengu ezinkundleni uma kunemidlalo,” kusho uColonel Mbele.
Lo mdlali oneminyaka ewu-27 ubudala uyahluleka ukukhipha abadlali abangaphambili kwakhe. Indlela abenza ngayo esekwiLeopards ihluke kakhulu nendlela enza ngayo manje ngokuhosha kweqhawe lakho uPotshoza.
Kujwayelekile-ke nokho ukuthi abadlali bangaphandle kwaseGauteng bafike kulesi sifundazwe baqaqelwe insila yakhona.
Kuze kube yimanje uMaphangule usabonakale kabili nje vo kwiPirates. Nakhona lapho wayengena esuka ebhentshini iBucs ibhekene neBloemfontein Celtic naMaZulu.
“Maningi amathuba okuthi abolekiswe uMaphangule. Ngicabanga ukuthi bazombolekisa isizini yonke lapho ezothola khona ithuba lokudlala. Ngaleso sikhathi iPirates izobe imqaphe ngeso lokhozi ukuthi uyakhula noma ubuyela emuva. Kungenzeka futhi abolekiswe ngoJanuwari kodwa abuyiswe ekupheleni kwesizini yinqobo nje uma ezofike akhombise ukuthi iPirates yenza iphutha ngokumbolekisa,” usho kanje umthombo weqhawe lakho ongashayi eceleni.
Usayine kwiBucs inkontileka yeminyaka emithathu.