Abadala bafuna ukuholelwa ibhonasi ngoDisemba
BAFUNA uhulumeni abaholele ibhonasi ngoDisemba abantu abadala baseMgungundlovu abathola impesheni kaR1 700 nyangazonke.
Abadala bathe uma kuwuDisemba bathwala kanzima ngoba kufanele bathenge igilosa kaKhisimusi futhi izingane zisuke zivalile esikoleni ngakho ukudla kuyashesha ukuphela.
Ngo-Okthoba 30 abadala baseMgungundlovu baye ePhalamende eCape Town beyothula isicelo sabo sokuthi uhulumeni abaphe ibhonasi.
Omunye wakade besePhalamende nguNkk Thoko Ngubane (64) wakwaMpumuza, eMgungundlovu, othe uye ePhalamende ngebhasi ngoba efuna uhulumeni ezwe isikhalo sabadala abawu-3.4 million abondla imindeni yabo ngempesheni abayithola kuhulumeni.