Inamandla onyazi iJeep Cherokee Trackhawk entsha
ISIGCINE ithelekile eNingizimu Afrika ingqovungqovu yeSport Utility Vehicle (SUV) iJeep Grand Cherokee Trackhawk egabe ngamandla esambane.
Le moto inenjini engu-6.2 litre V8 efuqa amandla onyazi angu520 kW netorque engu875 Nm. Idonsa ngamagiya ayisishiyagalombili azishintshayo.
Ngendlela enamandla onyazi ngayo kuthiwa kuyithatha imizuzwana engu3.5 ukufika ejubaneni lika96km/h kanti ijubane layo elikhulu ngu-288km/h.
Ngalesi sikhathi isuke isikhipha umsindo ondondayo ezinqaweni ngemuva.
Njengoba inejubane elinjena nje, ngakwezokuphepha iphuma namaBrembo brakes abamba thaqa futhi ine-antilock braking, electronic stability control ne-traction system. Le Jeep Grand Cherokee Trackhawk bese kunesikhathi kwaqinisekiswa ukuthi izotheleka kuleli njengoba ifika manje nje.
Ifika nje, sekuqalile ukukhuluma kwabanye ngokuthi yiyiphi engcono kunayo futhi abanye balibeka ngesihloko ukuthi “yimoto endala”.
Bathi idonsa ngamasondo amane ngobuchwepheshe ababubiza ngeJeep QuadraTrac on-demand four-wheeldrive system. Ine-launch control eyenza isukise okwenhlamvu.
IneSelec-Track system okwazi ukukhetha ngayo indlela ofuna ihambe ngayo okungu-Auto, Sport, Track, Snow noTow.
Le moto bathi ingakwazi ukudonsa inqola enesisindo esingu-3 ton.
Ngaphandle ikhanyisa ngamabi-xenon headlamps. Ayinawo ama-fog lamps,