Iyintandokazi kufanele iPolo 1.0 TSI Comfortline

ngizokhululeka. Isihlalo sishona phansi futhi uyasinyusa uma uthanda kanjalo ne-siteringi siyehla, sinyuke siphinde sisondele.

Izibuko emaceleni ngizihlela ngogesi. Nesaphakathi nendawo ngithi ngiyasihlela ngiyaqaphela ukuthi siyazidimela uma kukhona okuxhophayo ngemuva kwazise bayigaxe neLights and Vision Package.

Ngaphandle kwesibuko sangemuva, iphinde yenze ukuthi amalambu azikhanyise uma sekuqala ukuhwalala futhi ama-wiper azishaye uma lina ngoba nezimvula zasehlobo zidlangile nje.

Hhayi-ke sengihleli ngikhululekile emotweni uma ngithi jeqe ngiyabona ukuthi ineComposition Media, okiyilapho ngidlala khona umsakazo.

Okuhle wukuthi asilokhu sibangisana ngembobo yokushaja nengihamba naye ngoba izimbobo zama-USB zimbili.

Uma ngiqhuma i-iPhone yami ivele ithi bha kwi-screen nokwenza impilo ibe lula (Isithombe esingezansi).

Uzokhumbula futhi ngenhla ngikubalulile ukuthi incanyana kodwa ivulekile.

Abagibeli abayisihlanu bahleli ngokukhululeka kanjalo nempahla ebhuthini, elimumatha u-350 litres, ilayisheke kahle. Angithi sekuqala “ukuDisembeka”, silayishe wena coolerbox nezinye izimpahla.

Uma siqala uhambo lwethu, engihamba naye ufuna ukubambelela phezulu, ngebhadi azikho izibambo.

Bengihlale ngingakunaki ukubaluleka kwalezi zibambo ngoba isikhathi esiningi ngikhonze ukushayela futhi ezimotweni asijwayele ukuba khona ngasohlangothini lomshayeli. Kodwa ukukhala kwabantu baze baba babili yilapho ngibone khona.

Iqhubeka ekhasini 5