Izethulo eziqhamuke noRamaphosa

Isolezwe - - IZINDABA - MHLENGI SHANGASE

SEKWAKHIWE izindlu ezingu-4.7 million, bangu-17.5 million abathola imali yesibonelelo, sekutshalwe uR12 trillion kwingqalasizinda kanti bangu-84% asebenogesi.

Lezi ngezinye zezinto eziqukethwe wumqulu wokhetho ezethulwe nguMengameli we-ANC uMnuz Cyril Ramaphosa.

URamaphosa uthe abantu abangu-4.5 million abathola bhusende imishanguzo yokuthithibalisa ingculazi.

Uthe abangu-9 kwabangu-10 banamanzi ekubeni ngo-1994 babengu-6 kwabangu-10 ababenamanzi.

“Manje abangu-8 kwabangu-10 banogesi kubalwa nezindawo zasemakhaya. Abantu abangaphezulu kuka-14 million abahlomule ngezindlu zamahhala. Izitshudeni zizoxhaswa yisikhwama iNational Students Financial Aid Scheme ngoR15 billion ezikhungweni zemfundo kanti ngo-1994 lesi sikhwama sasabelwe uR70 million kuphela.”

URamaphosa uthe abantu abahola imali uma sebediliziwe bazoyithola isikhathi esiwunyaka ekubeni phambilini babeyithola izinyanga eziyisithupha.

Uthe ngo-2030 bazibekele ukuthi abantu abangu-24 million babe sebesebenza kuleli.

“Sitshale ngaphezulu kukaR2 trillion sakha imigwaqo, izikole, imitholampilo, nezinye izidingo zomphakathi. Sizokwehlisa imali ekhokhwayo emazweni esenza nawo ibhizinisi.”

Newspapers in Zulu

Newspapers from South Africa

© PressReader. All rights reserved.