Ungaliquli icala endaweni yengozi
isiminyaminya kuphazamise ukuhamba kwezinye izimoto futhi kuphakamisa imimoya.
Nazi-ke izinto okumele uzishuthe ngoba iningi lethu seliphatha omakhalekhukhwini abashuthayo:
Thatha isithombe senamba puleti yemoto ebandakanyeke engozini
Isithombe somthelo (license disc) wemoto enishayisene nayo
Thatha isithombe sesimo eme ngaso emva kwengozi nomgwaqo uvele kahle esithombeni.
Uma kuyimoto yomsebenzi enegama lenkampani lithathe nalo ngesithombe.
Thola imininingwane yezincwadi zokushayela zaloyo enishayisene naye nenombolo yakhe yocingo.
Qoqani nisuse emgwaqweni izingcucu zezimoto zenu ukuze zingahlabi amasondo ezinye izimoto.
Hambani-ke niye emaphoyiseni aseduze njengalababhemu ababili engabafica enkabeni yedolobha iDundee.
Okwangichaza kulesiya simo ukuthi umshayeli weloli wakuvuma naphambi kwamaphoyisa ukuthi lixhoshwe libhekile ngakuye ngakho-ke asikjho isidingo sokulwa. Uma ungumshayeli noma ngabe uyabona ukuthi usephutheni omunye musa ukulwa naye lokho akusiguquli isimo okungcono cela amaphoyisa ukuthi ahlole utshwala egazini uma unezinsolo zokuthi uphuzile.
Iphutha liyenzeka emgwaqweni ngesinye isikhathi kube wubudedengu ngesinye kuba yikho nje ukuthi kunqamuke ukuxhumana phakathi kwabashayeli ababili omunye wangaqonda ukuthi omunye uhlose ukuya ngaphi noma ukwenzani.
Kuthatha umzuzwana ukuthi kwehle ingozi ngakho isikhathi sokuqula amacala emgwaqweni akubi yisisombululo. Yebo, kuba yinto enhle uma abashayeli bezwene zisuka kodwa akuhlezi kunjalo masamukele. Kubalulekile ukubhala izitatimende emaphoyiseni mayelana nokuthi nishayisane kanjani ukuze uma udaba lwenu luya enkantolo lungabambezeli.
Lilonke sithi akusizi ukuqulisana icala endaweni yengozi kepha hambani niyobikela abomthetho ngoba vele nizogcina khona.
Namaphoyisa mawangenqeni ukubhalisa abantu abashayisene izitatimende njengalaba ababili baseDundee lapho iphoyisa laveza ukuthi ukubhalisa ingozi kuwumsebenzi omkhulu.
Noma kungaba umsebenzi omkhulu kodwa owawo amaphoyisa ngakho bhala sayitsheni. Uma kufanele uthathe igazi noma uhlole uphuzo, bahlole sayitsheni musa ukwenqena ngoba kungenzeka kuxovane izinto ngenxa yalokho.
Hhayi-ke sesingawavala lana ama hazard ethu ngethemba lokuthi sesikhumbulile okumele sikwenze uma kwenzeka izimoto zethu ziqabulana emgwaqweni.
Okwamanje masiqhubeke nokushayela ngokubuswa yiyo yonke imithetho yezokushayela ebusa leli zwe ukuze sihlangane sisaphephile nangesonto elizayo kuyo le ngosi yezezimoto.
Uma usafuna siyiqhube le ndaba ngena ekhasini lethu Igedlela lami with Sthembiso Shangase. Yimi owenu nali ikheli ngezansi hazardiso@gmail.com