AbakwaVW sebengeze amandla kwiGolf R
UMA kukhulunywa ngeGolf R kusuke sekuthintwa indaba ekitaza abathandi bamagalofu ejubane.
Phela amagalofu ahlukene ngezinhlobo njengoba kukhona elejwayelekile, iGTD enamandla angu-130kW netorque engu-350Nm, iGTI elifuqa u-169kW ne-torque engu-350Nm bese kuba khona “i last number” iGolf R.
KwaVolkswagen sebengeze amandla kulo mangqasha oyiGolf R njengoba isikhafula angu-228 kW netorque engu-400Nm. Eyaphambilini iR ibinamandla angu-213kW.
Le moto yiyo enamandla okuwedlula wonke amaGolf ake adayiswa eNingizimu Afrika. Ishaya ngenjini engu-2.0 TSI kanti isebenzisa ugearbox oyi-7-speed DSG ruthi ineLaunch Control.
Bathi isukisa okonyazi njengoba kuyithatha imizuzwana engu-4.6 ukufika ejubaneni elingu-100km/h.
Akuthusi ukubona kuthuthukiswa iGolf ngoba iyimoto eyintandokazi eNingizimu Afrika.
Bheka ngoba kusukela yafika sekudayiswe angaphezulu kuka-350 000. Izinhlobo ezintsha ezafika ngo2013 kuthiwa zenza u-45% wesibalo sawo wonke amaGolf ake adayisa kuleli.
Indlela ebukeka ngayo ngaphandle ukwazi ukuyitona ngokufaka iR Performance Titanium exhaust namaR Performance brakes namabrake calipers amnyama aqoshwe uR.
Izinto efika nazo ngaphandle kokuthasisela nendibilishi zihlanganisa amaLED headlights namaLED taillights, izinqawe ezine ezikwe ngasemaceleni ngmeva, amakhava ezibuko agqize ngechrome noma ngecarbo, izinhlobo ezahlukene zamarimu angu-19 inch nokunye.
Ngaphakathi ifika ne-Active Info Display, panoramic sunroof nokunye okuningi.
Amandla enawo njengamanje asho ukuthi isiyalingana ne-Audi S3 ebanga nayo abathengi kwazise nayo inenjini engu-2.0 TFSI ekhiqiza u-228 kW.
Iyayedlula iMercedes-Benz A35 okuthiwa isendleleni njengoba yona ine-225 kW netorque engu-400Nm. Intengo
2.0 TSI R 228kW DSG R676 000
Ifika neservice plan yeminyaka emihlanu noma u-90 000km, iwarranty yeminyaka emithathu noma u-120 000km ne-anti-corrosion yeminyaka engu-12. Kumele uyisevise ngemuva kokuhamba u-15 000.