Ngeseka uRamaphosa kolokukhokhelwa kwezidingo
MHLELI: Ngicela ukuphawula ngenkulumo kaMengameli Cyril Ramaphosa ayeyibhekise esizweni ngomhla ka-7.
Noma ngingayinambithisisanga kahle kepha ngifisa ukumeseka esicelweni sakhe sokugqugquzela abantu ukuthi bakhokhele izidingo zikahulumeni ikakhulukazi uma kukhulunywa ngogesi.
Kuthiwa i-Eskom inesikweletu esikhulu esibalelwa kuR4 billion. Mhlawumbe uma singaqala sikhuthale sithenge ugesi kungenzeka nenkampani iNersa isizwele uma isibuyekeza amanani okukhuphula ugesi.
Njengamanje ugesi ubiza kakhulu futhi owama-meter umba eqolo ngokwedlulele.
Mhlawumbe nomnotho ungasimama nabatshalizimali babe nethemba ngezwe ngoba akekho umuntu ongusomabhizinisi ongatshala imali yakhe ezweni elingenagesi osesimeni esikahle.
Nokho ukuze sifezeke isicelo sikaRamaphosa kumele avule amathuba emisebenzi kuphele ngokubhuquza emakhaya. Kungaba kuhle ukuthi abanamandla okukhokhela ugesi bawathenge phela amakhadi.