IsiseMome iFord Ranger entsha

KUQALILE ukukhiqizwa kweFord Ranger entsha embonini yakwaFord iSilverton Assembly Plant, ePitoli.

Le moto ekwezihlale zidayisa kahle zinyanga zonke kuleli, idayiswa eNingizimu Afrika iphinde ithunyelwe nakwamanye amazwe.

“Ngemuva kokutshala imali engaphezulu kukaR3 billion emsebenzini wethu nokuthuthukisa izimboni ezinyangeni ezingu-18 ezedlule, sijabule kakhulu ngokukhiqiza amaFord Ranger amasha,” kusho uNeale Hill, ongumphathi wakwaFord Motor Company eSub-Saharan Africa.

Uqhube wathi: “Lona ngunyaka obaluleke kakhulu nojabulisayo ngeFord Ranger njengoba sizokwethula neyokuqala ngqa iRanger Raptor.”

Uthe iRanger izoba namandla engeziwe, yonge ihambe kahle emgwaqweni futhi ibe nobuchwepheshe obuthe thuthu uma isiqala ukudayiswa ezinyangeni ezizayo. Uthe bayethemba ukuthi izokwenza kahle esigabeni encintisana kuso yize umbango ushisa phansi.

IRanger Raptor izobe inenjini entsha engu-2.0 Bi-Turbo kadizili ekhiqizwa embonini iStruandale Engine Plant ePort Elizabeth. Le njini ifuqa amandla angu-157kW ne-torque engu-500Nm. La mandla ongeke ngo-10kW no-30Nm uma kuqhathaniswa nenjini ekhona emakethe njengamanje engu-3.2 TDCi. Ifika no-gearbox omusha oyi-10-speed automatic transmission.

Ezinye izinhlobo zeRanger zizoba nenjini engu-2.0 single turbo enamandla angu-132kW netorque engu-420Nm futhi izoba nogearbox ofanayo oyi-10-speed.

Ezinye zizoba nezinjini ezingu-2.2 litre no-3.2 litre Duratorq TDCi nezinhlobo ezehlukene zika-gearbox.

Kuzobe kukhona iSingle Cab, Super Cab neDouble Cab.

IWildtrak izobe inezinto zokuphepha ezihlanganisa iPreCollision Assist ne-Active Park Assist.

Ngaphakathi ineSYNC 3® infotainment system enenkombandlela.

Ngemuva kokwethulwa kweRanger kuyobe sekubhekwa kwiRaptor nayo ekhiqizwa kuleli. Kulindeleke ukuthi iqale ukudayisa ngemuva kukaJuni.

Ezinye izinto enazo zihlanganisa amaPosition Sensitive Damping (PSD) shock absorbers akhiwe yiFOX, advanced Terrain Management System (TMS) nokunye.