Ubaphonsele inselelo ababekwiBanyana
esibikwe yileli phephandana emasontweni adlule ngoVeronica “Bhudu” Phewa osebamba amatoho ezitolo. UPhewa, odlale naphesheya kwezilwandle, ubeyibambe nabadlali okukhona osengumqeqeshi weqembu lesizwe iBanyana uDesiree Ellis osanda kulifaka koweNdebe yoMhlaba okokuqala emlandweni.
“Ngicabanga ukuthi inhlangano eyengamele ibhola kufanele ibanike amathuba ababengabadlali uma sekuphele isikhathi sabo. Kodwa futhi asikwazi ukulindela ukufunzwa. Kusemahlombe ethu ukwenza isiqiniseko sokuthi siyaziveza, sithole ulwazi ezintweni esizifunayo,” kusho uDlamini.
“Ngifuna ukuba ngumhlaziyi ophambili, kufanele ngiye e-Amsterdam, Barcelona naseMan City ngiyobona ukuthi khona benzani. Uma ngingakhulumi ngento engifuna ukuyenza, akekho ozongisiza. Akukuhle ukuthi uVeronica uzithola ekulesi simo. Kodwa ke yithina esihamba phambili, asikwazi ukuba lapho sodwa. Kufanele sibathathe sihambe nabo. Yileyo inselelo engibhekene nayo yokwenza izinto zibe ngcono kuwona wonke umuntu.”
UDlamini uhola umkhankaso weCastle Africa 5s ohlangothini lwabesifazane. Abesibhuda bahlanganisa amaqembu ngabahlanu emazweni ayisishiyagalombili e-Afrika.
Ngaphandle kukaModise no-Ellis abaqeqeshayo, kukhona uSimphiwe Dludlu osengumqeqeshi weqembu labesifazane lika-Under 20 eselibuya kweyeNdebe yoMhlaba. Indaba enkulu ebhekwe kwiSafa nonyaka ukuqalwa kweligi yabesifazane okungakacaci kahle ngayo. Le nhlangano isanda kumemezela ukuthi isibatholile abaxhasi.
“Asithembe ukuthi izoqala nonyaka. Asikwazi ukuyichaza eyokuthi iBanyana iyodlala koweNdebe yoMhlaba kodwa asinayo iligi. Kuyaphoxa nje lokho kukodwa. Ngicabanga ukuthi uma isiqala kuzobe sekuyisikhathi esifanele,” kusho uDlamini.