Kufe abathathu kuwa udonga
KUSHONE elayizolo kukholakala ukuthi kufe abantu abathathu abasebenza enkampanini yokwakha ngesikhathi udonga luwela kubo.
Ekhuluma nesinye seziteshi zethelevishini, okhulumela abezimo eziphuthumayo KwaZuluNatal, uMnuz Robert Mckenzie, uthe ingozi yenzeke eSipingo Beach. Ngaphandle kwabafile kulimale omunye umsebenzi kanzima waphuthunyiswa esibhedlela.
“Udonga oludilikile beluseduze kwalapho besebenzela khona. Umsebenzi olimale kanzima uphuthunyiswe esibhedlela esiseduze. Okunye ngeke ngakuqinisekisa,” kusho uMckenzie.
Okhulumela amaphoyisa aKwaZuluNatal, uCaptain Nqobile Gwala, ukuqinisekisile ukuthi kufe abantu abathathu kwalimala oyedwa.