Bafuna kuphenywe ngethenda kadoti
AMAQEMBU aphikisayo eMkhandlwini weTheku afuna kwenziwe uphenyo mayelana nethenda yezigidi yokuqoqwa kukadoti eThekwini.
Emhlanganweni wamakhansela alawula umkhandlu eCity Hall eThekwini izolo, i-IFP neDA bathe ngeke baze baseseke isicelo sokuthi kuchitshiyelwe inkontileka yethenda yokuqoqwa kukadoti.
USihlalo wekhokhasi ye-IFP kuMasipala weTheku, uMnuz Mdu Nkosi, uthe uzobhalela uNgqongqoshe wezokuBusa ngokuBambisana neziNdaba zoMdabu KwaZulu-Natal uNkk Nomusa Dube-Ncube amcele ukuthi enze uphenyo ngodaba lwale thenda kadoti.
“Kuyacaca ukuthi kukhona okungahambi kahle mayelana nethenda kadoti, kungakuhle ukuthi kwenziwe uphenyo,” kusho uNkosi.
Uthe iyathusa le nto yokuthi imifelandawonye yamabhizinisi omphakathi ebiyenza lo msebenzi phambilini yashiywa ngaphandle kwanikezwa izinkampani ezintsha zodwa umsebenzi.
“Ngeke size siseseke isicelo sokuthi kuchitshiyelwe inkontileka yale thenda kuze kuba kuphothulwa uphenyo esifuna lwenziwe,” kusho uNkosi.
Nomholi wekhokhasi yeDA eThekwini uNksz Nicole Graham uhambe emazwini kaNkosi wathi nabo bafuna kwenziwe uphenyo olunzulu.
“Kuyacaca ukuthi i-ANC kukhona ekwaziyo thina esingakwazi mayelana nokukhishwa kwale thenda.
“Umbuzo esinawo ukuthi kungani imifelandawonye yasemiphakathini ikhishwe ngaphandle kodwa i-ANC ihlale ithi izibophezele ekusizeni abantu ukuba balwe nendlala,” kusho uNksz Graham.
Ikhansela leDA uMnuz Heinz de Boer lithe umkhandlu uyahluleka ukulawula uhlelo lokuqoqwa kukadoti.
“ITheku lingcolile, imfucuza iyizindunduma ezindaweni ezifana noCato Manor, amagundane nezinyoka kuyayaluza ngenxa yokungcola,” kusho uDe Boer.
Uthe kwezinye izindawo sekusetshenziswe imali engaphezu kukaR100 million kodwa zisangcolile.
IPhini leMenenja emkhandlwini ophikweni
“Kubuhlungu kakhulu ngoba asazi nokuthi sithathe ini sihlanganise nani,” kusho uNkk Nzimande.
Idokodo labantu abalahlekile lavulwa ngelanga elilandelayo esiteshini samaphoyisa saseMgungundlovu i-Alexandra.
UCaptain Pieter van Zentan wakulesi siteshi ukuqinisekisile ukuthi kwavulwa idokodo labantu ababili abalahleka. “Icala selidluliselwe ethimbeni loKlebe eThekwini,” kusho uVan Zentan. lwezoHwebo, uMnuz Philemon Mashoko, livumile ukuthi zikhona izinkinga ababhekene nazo mayelana nohlelo lokuqoqwa kukadoti eThekwini.
Lithe benza konke okusemandleni uklungisa isimo.
“Imifelandowonye yamabhizinisi yasala ngaphandle kodwa manje njengoba sifuna kuchitshiyelwe inkontileka sifuna ibuye ibambe iqhaza emsebenzini,” kucacisa uMashoko.