KUXWAYISWE ULEBESE NGOKUZIXAKA NGOMLINGO
INHLOKO yabaqeqeshi kwiSuperSport United, uKaitano Tembo, ixwayise uGeorge Lebese ngokuthi angalokothi azixake ngokugcwalisela iMamelodi Sundowns abolekiswe kubona iyona uma la maqembu asePitoli esetholene phezulu koweligi namuhla ngo-7.30 ebusuku.
Kuzobe kungumdlalo wokuqala ukuthi uLebese abhekane neqembu okuyilona asemabhukwini alo ngokugcwele kusukela elishiye ekuqaleni konyaka. Lo mdlali ozakhele udumo ekwiKaizer Chiefs ufike kwiSundowns izinto zangahamba ngendlela abefisa ngayo okuholele ekutheni awelele ngakwiSuperSport ngesikhathi kuvuleke iwindi lokushintshana ngabadlali ngoJanuwari.
NgokukaTembo, uma uLebese elitholile ijezi kufanele akhohlwe yikhona konke okwenzeke kuyena esekwiSundowns kepha adlale ibhola aziwa ngalo.
“Uma elitholile ithuba kumqoka ukuthi adlale ngendlela ajwayele ngayo, angazami imilingo ngoba lokho kuzomxaka. Uma ezicindeza uyena ozoba nenkinga bese nathi siba nenkinga. Kubalulekile ukuthi azi ukuthi lo mdlalo awuhluke ngalutho kunale eminye asesidlalele kahle kuyona,” kusho uTembo.
ULebese udlale kahle iSuperSport idedela amaphuzu ngempelasonto ibhekene nePolokwane City. Akubone kulo mdlalo uTembo uthe kungamjabulisa uma engaphinde akubone.
“Ingihlabe umxhwele indlela adlale ngayo sibhekene nePolokwane. Udlale kahle kakhulu futhi uma engaqhubeka ngingajabula kakhulu. Kumqoka ukuthi akhumbule njalo ukuthi lo mdlalo awuthinti yena yedwa kepha oweSuperSport. Asikho isidingo sokuzama ukuziveza kulo mdlalo ngoba akekho ongamazi ukuthi ukwazi ukwenzani uma esefomini. Inkinga iqala uma uzicindeza wena! Lokhu kuholela ekutheni kube namaphutha esigcina sithwala kanzima sonke ngenxa yawo.” kodwa sekuyabonakala. Ngifike iqembu lilinyalelwe abadlali silandela emuva ngamaphuzu awu-12 kwiZamalek. Baluleme bonke abadlali manje kanti sihleli esicongweni kwilog.
“Ngeke neze ngisule kodwa uma iqembu lingikhomba indlela, nakanjani kuzofanele ngiwuthobele umthetho. Engifuna ukukucacisa ukuthi ngeke ngilaxaze umsebenzi ngoba ngihlulwe umdlalo owodwa. Kusekuningi kabi engisafisa ukukuzuza ne-Ahly,” usho kanje. umqeqeshi weCape Town City uBenni McCarthy ngemuva kokuthi umdlalo wezakhe neCeltic umisiwe ngeSonto emuva kokuthi abalandeli bePhunya Sele Sele bengene enkundleni kusadlalwa.
Kuthiwa bakhalela ukunganakwa abaphathi beqembu njengoba befuna kushiye usihlalo uMax Tshabalala ngenxa yokuthi akasenamali yokuphatha iqembu.
Kudingeke ukuthi kusetshenziswe isisi esikhalisa unyembezi nezinhlamvu zenjoloba ukukhipha abalandeli enkundleni iDr Molemela sebebhoncula nezihlalo.
“Ngiphoxekile ngokwenzekile ngoba besizimisele ngokubanikeza umdlalo omuhle. Kuhlezi kujabulisa ukubona abalandeli beCeltic beseka iqembu labo liwina noma lihlulwa kodwa baziphoxile ngabakwenze namuhla. Kuyadumaza lokhu esikubonile ukuthi kulesi sikhathi samanje sekungaze kudingeke kusebenze isisi esikhalisa unyembezi sibe siphuma ezibhicongweni ezinzima ebholeni lethu. Unobhutshuzwayo kuthiwa wumdlalo omuhle esiwuthandayo kodwa bona bakhetha ukuwubulala ngale ndlela,” kusho uMcCarthy.
Uthe ngesikhathi esalindile iPremier Soccer League imemezele usuku olusha lo mdlalo uzoqhubeka nokuqinisa iqembu lakhe lapho elibona lixega khona. ICity ibambe indawo yesihlanu kwi-log ngamaphuzu awu-40. ICeltic yona ilwela ukuqeda kwiTop njengoba isabambe unombolo-10.