Kubi konesi ezibhedlela nasemakiliniki
MHLELI: Sengibe wunesi iminyaka eminingi. Kunezibhedlela nemitholampilo okunzima ukusebenza kuko kangangoba uze ukhale ngisho izinyenbezi uma uya emsebenzini. Kunezinye futhi okuthi othi ubona ukuthi umsebenzi unzima kodwa ube nesibindi namandla okuqhubeka nokusebenza.
Le nto ayikho kakhulu ngoNgqongqoshe uSibongiseni Dhlomo noma naye ecindezele enjalo. Kunabaphathi ababeke izimbokodo emahlombe abahlengikazi.Yingakho umsebenzi uthi unzima ngendlela efanayo kodwa izindawo zingafani.
Thina manesi siyaliphuza itiye ngo-2 ntambama singakaze MHLELI: Ngicela ukusika elijikayo. Ukubanjwa inkunzi kwezintatheli okwenzeke e-Alexandra, eGauteng kungihlukumeze kakhulu.
Ukubanjwa kwezintatheli kufana ncamashi nokuvukela uMbuso. Besikubona eZimbabwe ukuhlukunyezwa kwezintatheli kodwa manje sekuvame nakuleli.
Okubuhlungu kakhulu lokhu kwenziwa ngisho osopolitiki maqede kungabi ndaba zalutho. sifake lutho emlonyeni kodwa kasibongwa, kunalokho sigqilazwa ngomsebenzi ongahlangani nonesi. Kukhona izimenenja ezithi onesi abashiye iziguli bayogibela izitebhisi nezitulo bayolungisa, bahlele babhalansise izikali zemithi ekhemisi. Zimyeke umphathi wasekhemisi angasebenzisi abasebenzi bakhe kodwa kunikelwe ngonesi . Unesi uma ebuya kulokho kugibela uzosebenza umuntu omlindile.
Ngolimi oluqondile ngingathi kunezikhungo zezempilo ezixhaphaza onesi.
Umphathi akanandaba noma abantu ewodini basebenza nje badlile noma cha. Into ke ejwayelekile wukuthi uma kuminyene utshumo ngempela, abaphathi abafiki ewodini bahlala emahhovisi kodwa uma kuthe hhamu bayafika bazobheka ukuthi ubanibani uphume nini eya etiyeni wabuya nini. Bakhonela ukuhamba imihlangano engapheli futhi engayi phambili.
Okufika kumangaze wukuthi uma kunomhlangano bathatha nalaba okuthiwa o-Operational Managers (OM) bahambe nabo. Abanandaba nokuthi kumatasatasa kangakanani.
UDhlomo siyomkhumbula nje ngoba akekho ongakhunjulwa. NoDkt Nkosazana Dlamini Zuma siyamkhumbula ngo-1994 ethi unesi angamcosha emgwaqweni. NoDkt Manto TshabalalaMsimang siyamkhumbula ngokusicabangela thina manesi.
Akahambe bandla ubaba uDhlomo. Ngizwile abanye bemncoma ngilalele umsakazo abanye bemgxeka. Cha akanalutho oluhle alwenzele unesi ngamphandle kokumqhatha nomphakathi nokufuna nje ukumbona ehlanza udenda. Wawukuzwaphi ukuthi kwenezelwe imigomo ecindezelayo kuphela, kungaqashwa, bese kuthiwa unesi oyedwa emtholampilo akabona iziguli eziwu-40. Kuthiwa yinhloboni yokucindezela leyo?
Bayongikhonzela nalapho eya khona. Ngiyathemba noDkt Aaron Motsoaledi akabuyi. Jehovah, baze basihlukumeza abantu eNingizimu Afrika abathi ikhululekile. Cha thina manesi savotela ukuyobulawa oDe Kok bezempilo. Unesi bamenza umata nje. Naye uDinangwe usishikilisile, sasithi sithole ubaba kanti sizobandlululwa siphathwe njengemlanjwana bese odokotela ebafukamela.Yonke imisebenzi emakiliniki yenziwa wonesi.Udokotela uma ethanda umane afune imithi kuphela engasixilonganga kwaleso siguli. NamaMedical Managers ayabahlonipha futhi ayabavikela. Athula sengathi awaboni nomphakathi ungasho lutho ngabo kodwa ubhekene nonesi nje Umhlengikazi ohlukumezekile ETHEKWINI