Umdlalo wakuleli emiklomelweni yezindondo phesheya
ULOKHU uqhubekile nokugila izimanga umdlalo wakuleli oneminyaka emibili emoyeni, iThe River oqokwe emcimbini waphesheya kwezilwandle wezindondo, ama-2019 International Emmy Awards.
Umcimbi uzoba ngoNovemba, eNew York.
I-The River ikhonjiswa kwi1Magic (103) ngoMsombuluko kuya ngoLwesihlanu ngo-8, ebusuku.
UNkateko Mabaso, ophethe isiteshi sakwaM-Net, uthe kuyabajabulisa ukuthi lo mdlalo ube ngominye weqokwe kulo mcimbi walo nyaka.
“Kulo mcimbi umdlalo uqokwe emkhakheni weBest Telenovela, ungomunye ozakhele idumela njengoba ukhiqizwa inkampani iTshedza Pictures, okuwumdlalo okukhulunywa ngawo ezindaweni eziningi lapho kuhlangene khona abantu. Okunye okusijabulisayo ngawo abalingisi bawo benza umsebenzi oncomekayo,” kusho uNkateko.
Uthe babonga wonke umuntu obe nesandla ekwenzeni lo mdlalo waba sezingeni okulona manje.
Lo mdlalo uqokwe neminye okukhona kuyo othi 100 Dias Para Enamorarse (100 Days to Fall in Love) waseArgentina, La Reina del Flow (The Queen of Flow) waseColombia neVidas Opostas (Tangled Lives) yasePortugal.
Abakhiqizi beThe River, uPhathu Makwarela noGwydion Beynon bajabulise okwezingane ezincane bebelokhu bebonge abantu ngokubakhombisa uxhaso selokhu waqala umdlalo wabo.
Lo mdlalo uqokwa kulo mcimbi nje, maphakathi nonyaka emcimbini wezindondo amaSafta, wakhala wemuka nezindonzo ezingu-11, emikhakheni eyahlukene owawuqokwe kuyona.
Kwenzeka lokhu nje kusona lesi siteshi, lukhuza ibuya uhlelo iThe Real Housewives of Johannesburg ezoqala ngo-Okthoba 18 kwi-1Magic.
Kule sizini kuzobonakala ubuso obusha njengoba u-Evodia nendodakazi yakhe uMessi bengabuyanga. ezinhle abanye abantu.
VDot Mhlaziyi Ndlovu: Phephisa bafo, uNkulunkulu akubusise mfowethu.
Shiela Thandi: Waze wanzima ke lowo mzuzu. ‘ICHIEFS NGEKE ISINQOBE ISICOCO OKWAMANJE’
Nontobeko Hlatshwayo: Ngiyithanda impela kodwa abanike nezinye izingane ithuba, mhlawumbe uzoba khona umehluko.
Thulani Zondo: Nami angiboni inqoba, izinto azikahlangani.
Bhungane Hadebe: Angivumelani naye uMendu ngoba u-70% wabadlali abakuChiefs abafana noMphahlele, Billiat, Maluleka, Manyama, Parker, Khune, Castro nabanye bazinqobile izicoco. WAKHULA EDAYISA OSWIDI NENYAMA
Maxe Khothakome Wodumo: Akuyona into kanoma ubani ukudayisa.
Zonke Wak’Nyawose: Nango-ke umuntu wesimame odinga uthando nokwesekwa ocabangela ikhaya nomndeni.
Ten Ten Thabiso: Nansoke imbokodo!