OweMakoti utusa indawo ayilingisayo
INTOKAZI yaKwaNongoma elingisa indawo kamamezala ononya emdlalweni othi Makoti kwiSABC 1, uMakhosazana Ndlovu ithi iyijabulele kakhulu le ndawo.
Lo mdlalo oqale ngo-Agasti ukhonjiswa njalo ngoLwesithathu ngo7.30 ebusuku.
UMakhosazana uthi lo mdlalo ube ngowokuqala ukumlingisisa indawo ephambili kuleli.
Uthe yize eseke walingisa kwiGenerations nakwiMuvhango kodwa lo mdlalo yiwona athemba ukuthi uzovula amathuba.
“Le ndawo ayigcinanga nje ngokuthi ithandwe ngabantu kodwa lo mdlalo ugile izimanga njengoba izibalo zifinyelele ku-3 million wababukeli ngeziqephu nje ezimbalwa ukhonjiswa. Kube yinjabulo enkulu kimina futhi ngiyafisa bacele siqophe isizini yesibili,” kusho uMakhosazana.
Uthe kuyona njengoba ebeyilingisa ufunde okuningi.
“Angifani nhlobo noJudith, ongumuntu ohlukumeza umakoti wakwakhe ngendlela engingazi ukuthi ngingayichaza ngithini. Ngiyathemba ukuthi akumina ngedwa engithole isifundo kodwa nomama abanamadodana nomakoti kukhona abakucoshile njengoba ngesinye isikhathi abafana bayabalahla onina uma behlukumeza amakhosikazi abo kanjeyana okuyinto engeyinhle,” kuchaza uMakhosazana.
Ekulingiseni uthe ungene emuva kokulingisa emidlalweni yeshashalazi ehlukene kuleli ebiyenziwa eThekwini, ePlayhouse naseBat Centre.
Uveze ukuthi ulingise emidlalweni eminingi emincane ebikhonjiswa kwi-e. tv, ethi Ekasi Our Stories. UKHWANTALALA OLUDALWA WUMHOLO
Sibonelo Vundla: Uhole imali encane izikweletu zibe zingaphezu komholo wakho, uvele unciphe ukade uyisidudla.
Nombuso Ngubane: Nabo benza izikweletu ezingaphezu komholo.
Thabo Tkzi Ntshebe Mbutho: Kusho ukuthi thina esingatohozi ngeke lusilokothe ukhwantalala. OWE-ARROWS NEPHUPHO LOKUYODLALA PHESHEYA
Mchazeleni Mbhele: Akazimisele kakhulu kunakuqala.
Sihle Khuluse: Nkosi siza nayi inceku yakho iphumelele kokuhle ekufisayo.
Tebuho Phungula: Zama mfowethu, indlela eya empumelelweni ilele kuwena. KUBULAWE UMFUNDI ESIKOLENI
Thandah Mathenjwa: Akubuyiswe imikhuleko ezikoleni, uSathane uhamba ngezinyawo.
Teboho Mshebelezo: Ewu, kubi kulo mhlaba manje sekuvele kube yinto elula ukubulawa komuntu.