I-Hatchback iyinyama endalini yamasekeni
UCWANINGO luveza ukuthi ama-hatchback yizona zimoto ezidayisa kakhulu njengamasekeni kuleli okudlula izintandokazi ama-sports utility vehicle (SUV). I-Volkswagen Polo yiyona moto eyinyama kwabathenga amasekeni, ngokusho kwesikhulu sakwa-AutoTrader uGeorge Mienie.
“Yiyona hatchback edayisa kakhulu futhi abantu abafuna ukwazi ngayo kakhulu,” kusho uMienie.
Uthe le mininingwane bayithole kwi-website yabo ngonyaka odlule. Uthe ukukhonya kwePolo kungathusa abantu abaningi.
“Akuyona imoto encane edayisa kakhulu eNingizimu Afrika. Leso sicoco ngesenye imoto yakwaVolkswagen iPolo Vivo ebe yiyona moto edayisa kakhulu encane eNingizimu Afrika ngezimoto ezingu-29 619 ezidayiswe ngonyaka odlule.”
Uthe iPolo Vivo ibe ngeyesibili ngokuthandwa nokudayisa futhi ingeyesithathu ohlwini lwezimoto okubuzwa ngazo.
Enye imoto esendaweni yesithathu ngeyakwaVolkswagen iGolf.
“I-Golf isendaweni yesithathu ngokudayisa nokubuzwa ngayo. Ukuthi izimoto ezintathu eziphambili ngezakwaVolkswagen kufakazela amandla nodumo lweVolkswagen.
I-Volkswagen ibe nonyaka omuhle njengoba imboni yayo yase-Uitenhage e-Eastern Cape iqophe umlando idayisa izimoto ezingu-161 954 idlula irekhodi elidala elingu-137 758 ezakhiqizwa ngo-2011.
Nalu uhla lwezimoto ezidayise kakhulu ezingamasekeni:
Rank Most searched Most Sold 1 Volkswagen Polo Volkswagen Polo 2 Volkswagen Golf Volkswagen Polo Vivo 3 Volkswagen Polo Vivo Volkswagen Golf 4 BMW 1 Series Ford Fiesta 5 Kia Rio Hyundai i20 6 Ford Focus BMW 1 Series 7 Ford Fiesta Toyota Etios 8 Mercedes-Benz A-Class Ford Figo 9 Audi A3 Kia Picanto 10 Toyota Yaris Toyota Yaris