ITHUBA LOMSEBENZI KWABAQEDE IZIQU NELOKUFUNDELA UMSEBENZI Usizo lwezimali kwababoleke imali yokufunda e-Standard Bank
I-MARITIME Business Institute (i-MBI) isempini. Lesi sikhungo silwela izitshudeni ezihluleka wukuthola umsebenzi ngenxa yokuthi nakuba zineziqu kodwa azinaso isipiliyoni somsebenzi.
Emkhankasweni ongakaze ubonakale, cishe okungowokuqala ngqa ezikhungweni zemfundo, i-MBI iqinisekisa abafundi ngethuba lokufundela umsebenzi nokuqeqeshelelwa umsebenzi emsebenzini kwabaneziqu ezithile, ikakhulukazi kwezasemanzini olwandle nezemikhumbi. Abafundi kufanele bafeze imibandela ethile ukuze bathole leli thuba eliyingqayizivele.
Abafundi base-MBI basohlelweni oluhlelekile lokucijelwa umsebenzi, okuzothi ekugcineni kwalo bathole ibhuku lamarekhodi elizodinga ukugcwaliswa, lisayinwe bese ligxivizwa wumqashi. Ngemva kwaloko abafundi bazokwazi ukufaka leli bhuku lamarekhodi elisayiniwe kuma-CV abo uma befaka izicelo zomsebenzi. Abafundi abanesipiliyoni somsebenzi esinjengalesi banethuba elingcono lokuqashwa uma kuqhathaniswa nabantu abangenasipiliyoni. I-MBI ikwazile ukufaka emsebenzini izitshudeni zayo ezingu-25, zaqashwa ngokugcwele eChwebeni laseThekwini. Kulindeleke ukuthi kuqashwe abanye abawu-25 ezinyangeni ezimbili ezizayo.
I-MBI ibambisene nezinkampani eziningi ezizinze eChwebeni laseThekwini ezizimisele ukuthatha izitshudeni zizinike ithuba lokufundela umsebenzi. Lesi sikhungo sifisa ukusungula indlela efuze lena kubafundi abazobhalisela izifundo zobunjiniyela, ezenhlalakahle nezemfundo.
I-Maritime Business Institute inoxhaxha lwezifundo, zonke ezigunyazwe yizinhlangano ezikulo mkhakha.
Ikolishi lisendaweni enhle ngasechwebeni nasendaweni ekhula ngesivinini i-Point Waterfront, kude nesiphithiphithi sasenkabeni yeTheku.
Sivakashele manje emagatsheni aseThekwini noma e-Richards Bay ukuzibekisela isikhala.