Kuzokwethulwa iPeugeot ebekezelela izimo ezinzima
IPEUGEOT isiyethule iveni okuvela ukuthi izokwethulwa eNingizimu Afrika ekuqaleni konyaka ozayo. Leli veni kuthiwa lihambe amakhilomitha angu-2 million livivinywa emigwaqweni ehlukene kanjalo nasesimeni sezulu esihlukene.
Lihlukene ngezinhlobo njengoba kukhona i-single cab ne-double cab. Idouble cab yayo ubude buwu-5.33m kuthi i-single cab ibe wu-5.39mm. Zombili ububanzi buwu-1.92m.
Isikhenke bathi sivulekile futhi siyakwazi ukukhanya ngamalambu angamaLED futhi kunembobo yokuxhuma umlilo ongu-12V.
Kukhona nelokusebenza eliyisingle cab.
Indlela ebukeka ngayo ngaphambili ine-grille enkulu enebhubesi phakathi nendawo bese iba nalaLED light.
Ngaphakathi inesiteringi esifana naleso sePeugeot 3008 iphinde ibe ne-10 inch HD screen ngaphezu kwedashboard njengePeugeot 508.
Bathi izihlalo zintofontofo futhi ezangemuva uyakwazi ukuzigoqa ufake impahla nokuyinto engajwayelekile emavenini. Iphinde ibe nezindawo zokufaka izimpahla.
Ngaphambili uyakwazi ukukhetha izihlalo ezimbili ezihlukene okanye ezilayisha abagibeli abathathu.
Ilayisha abagibeli abayisithupha kuya ngenhlobo yakho.
Izinto enazo zihlanganisa izimbobo ze-USB, automatic dual-zone air conditioner, 10” touchscreen okuvela kuyo i-Apple CarPlay/Android Auto futhi ine-10 GB hard drive.
Ezokuphepha zihlanganisa amaairbag ayisithupha, Hill Descent Control, Trailer Swing Control, Lane Departure Warning, amakhamera aveza umzimba wonke nokunye.
Ezinjini zihlukene kabili. Kukhona ekadizili engu-1.9 litre enamandla angu-112 kW ne-torque engu-350Nm. Isebenzisa u-gearbox oyi-6 speed manual.
Bathi idla amalitha angu-7.8 ngo100km. Enye ngekaphethroli engu-2.4L. Inamandla angu-157 kW ne-torque engu-320Nm.
Nayo isebenzisa u-gearbox oshintshwayo oyi 6-speed okanye ozishintshayo.
ILandrek ihlukene kabili, kukhona eyi-4x4 ne-4x2 edonsa ngamasondo angemuva.
Ukuphakama kwayo kugcina ku-235mm.
I-4x4 ino4H no-4L. Kukhona ne-rear differential ene-eLocker system esiza uma ibhajwa.
Leli veni lizodayisa eLatin America nase sub-Suharan Africa kuqala. I-Europe ayibhekiwe khona.