I-Volkswagen iletha ezikagesi kuleli
IVOLKSWAGEN isiqalile ngohlelo lwayo lokuletha izimoto zikagesi eNingizimu Afrika ngokwethula ama-eGolf ayisithupha ngenhloso yokuthi ezovivinywa.
Lama-eGolf azovivinywa yizintatheli nabasebenzi bakwaVW ngenhloso yokuzwa izimvo zabo ngayo nokuthi kunjani ukuphila nemoto ehamba ngogesi kuphela.
Lezi zimoto zizoba seGauteng naseWestern Cape futhi zizosetshenziswa ukuthutha namakhasimende akwaVW.
UMike Glendinning onguMqondisi wokuDayisa nokuMaketha kwaVolkswagen Group South Africa uthe bafuna ukuthola abantu abaningi ukuthi bazishayele njengba bekholwa ukuthi izimoto zikagesi ziyikusasa kubo.
Ukwethulwa kwe-eGolf yigxathu lokuqala ekutheni iVolkswagen yethule idayise izimoto zikagesi kuleli.
Isigaba esilandelayo ukuthi kwethulwe enye imoto kagesi i-ID.3 ngo-2021.
Igxathu elilandelayo kuzoba ukwethulwa kwemoto yokuqala ukuthi idayiselwe amakhasimende akuleli ngo-2020.
I-eGolf ne-ID.3 bathe ngeke zize zidayiswe kuleli kodwa zilethelwe ukuthi abantu bezozwa ukuthi kunjani ukuba nemoto kagesi.
I e-Golf Ikwazi ukuhamba ibanga elingu-230 km uma ibhethri lishajwe lagcwala.
Selokhu yathuliwa ngo-2014 iba yimoto yesibili ukuthi ihambe ngebhethri ilandela i e-up! eyathulwa ngo-2013.
NgoNovemba wonyaka odlule kwaVW bamemezele ukuthi sebedayise angaphezulu kuka100 000. Emazweni ase-Europe iyadayisa kanjalo nase-United States of America.
I-ID.3 yona ihlukene ngamabhethri amathathu elikwazi ukuhamba u-330km, 420 km no550.