Kumisiwe futhi ukuqoshwa kweThe River
SEKUPHINDE kwamiswa ukuqoshwa kwentandokazi yomdlalo iThe River ngemuva kokuthokakala ukuthi omunye wabasebenzi uhaqwe yigciwane iCoronavirus.
Kuvele ukuthi lo msebenzi, okungacaci noma ungumlingisi noma ungomunye wabasebenza ukuhlanganisa umdlalo, utholakale ukuthi uneCovid-19 ngoLwesibili ekuseni.
NgokweTshedza Pictures, edidiyela umdlalo, bonke abasebenzi bayalelwe ukuthi bavizalele ngabodwana.
“Kusukela siqalile ukuqopha ngoMeyi 1, 2020, yonke imiyalelo yezokuphepha ilandeliwe lapho kuqoshwa khona,” kusho uPhathu Makwarela weTshedza Pictures.
“Emuva kokuthola ukuthi omunye wozakwethu utholakale enegciwane, sicele bonke abasebenzi abasondelane naye ukuthi bazivalele ngabodwana. Bazoya kohlolwa ngabezempilo njengokomyalelo kahulumeni.”
UMqondisi weziteshi zakuleli kwaM-Net, uNomsa Philiso, uthe bayithintile iTshedza Pictures ukuyeseka.
“Ngokwazi kwethu ukuthi kusuka kubuyelile ukuqopha, inkampani ilandele yonke imigudu efanele yokuqinisekisa ukuphepha kwabasebenzi. Njengamanje kumele seseke abafowethu nodadewethu futhi sithanda ukufisela ohaqekile ukuthi alulame ngokushesha,” kusho uNomsa.
Njengamanje ukuqopha kumisiwe ukuze kufuthwe indawo okuqoshelwa kuyo.
Lo mdlalo uke waphazamiseka ukuqopha ngenxa kathaqa eNingizimu Afrika wokuzama ukunqanda ukubhebhetheka ngamandla kweCoronavirus.
Lokhu kwaholela ekutheni ziphele iziqephu