Yizingane zesikole esezizosibuyela nesifo
Z Ntombela EDURBAN NORTH
Nkosinathi Ziqubu KWADUKUZA
MHLELI: Ngibona isibonelo sikaNgqongqoshe weMfundo eyisiSekelo, uNkk Angie Motshekga, singashayi khona uma ethi izingane zidlala phandle.
Yebo uqinisile, zidlala phandle kodwa emakhaya asikezwa kuthiwa kunomuntu onesifo. Esikuzwayo wukuthi lesi sifo simandla edolobheni.
Manje izingane sezizogcwala edolobheni ngoba uma usuka emakhaya uya esikoleni uqala edolobheni, ziyolinda amabhasi ziya noma zibuya esikoleni.
Ziphephe kangakanani-ke lapho izingane ngoba nathi kuthiwa asiye ngoba kunento ephoqayo?
Manje zona zizoya zonke izinsuku ngoba ziya esikoleni. Okuzokwenzeka zisesedolobheni wukuthola isifo ebese zibuya naso zizosifaka kubantu asebebadala emakhaya manje.
Isibonelo sakhe sokuthi zidlala phandle, ngicabanga ukuthi ukhuluma ngezingane ezifunda emalokishini kuphela akasabalalanga ngokucabanga ukuthi kunezifunda edolobheni okanye ezifunda eduze namadolobha ezihlala zigcwele amadolobha. Mhlampe yena akawasebenzisi amadolobha asetshenziswa yithi.
Ukube wayeseMpangeni ngoJuni 1 ubezobona ukuthi ngikhuluma ngani.
Thanda Chonco KWESAKWAMTHETHWA