I-SIU ifuna kuphenywe imenenja kamasipala ngenkohlakalo
lwezokushushisa iNational Prosecuting Authority (NPA).
“Kukhona elinye icala lesithathu esiphezu kwezinhlelo zokulidlulisela kwiNPA,” kusho uNksz Nozipho Jama, oyinhloko yezophenyo kwi-SIU esifundazweni.
“Sifuna ashushiselwe ukuphatha imali yomphakathi budedengu. Sisacubungula ngokomthetho elinye icala esifuna ukulidlulisela kwiNPA, lapho sifuna kushushiswe owayeyimeneja kamasipala phambilini.”
UNksz Jama uthe sebeyalele umasipala ukuthi uthathele izisebenzi ezingu-11 ezaba nesandla ekukhishweni kwamathenda, izinyathelo zokuqondiswa ubugwegwe.
I-SIU ibiphenya ngokukhishwa kwamathenda emjahweni waminyaka yonke iNelson Mandela Day Marathon edle uR11. 6 million nokusingathwa kwemidlalo yenhlangano yohulumeni basekhaya iSA Local Government Association, eyadla uR3 million.
I-SIU iphinde yaphenya ngoR338 000 owasetshenziswa umasipala ngesikhathi kuvakashe owayengumengameli uMnuz Jacob Zuma eMpendle, ngo-2017.
Ubudedengu bubuye batholakala emalini eyasetshenziswa ngesikhathi umasipala uba nezimbizo zokuzwa ukuphawula komphakathi ngezinhlelo zentuthuko nemali eyasetshenziswa ukuhlanganisa uhlu lwabantu abangakwazi ukukhokhela izinsiza zikamasipala.
Zombili lezi zinhlelo zadla ephaketheni kumasipala imali engaphezu kukaR300 000 uhlelo ngalunye.
Okhulumela umasipala uMnuz Brian Zuma, uthe akakwazi ukuphawula ngoba umbiko awukaze uthulelwe umkhandlu.
Imizamo yokuthola uNgcobo ukuze aphawule ayiphumelelanga njengoba ucingo lwakhe belukhala lungabanjwa.
Phambilini uNgcobo waziphika zonke izinsolo abekwa zona.
Okhulumela iNPA KwaZulu-Natal uNkk Natasha Kara, akazange ayiphendule imibuzo ayithunyelelwe.